აზერბაიჯანში, საქართველოს საზღვრიდან დაახლოებით 20 კილომეტრში მიწისძვრა მოხდა. მიწისძვრის სიმძლავრე 5 მაგნიტუდას შეადგენდა. მსხვერპლისა და ნგრევის შესახებ ინფორმაცია არ ვრცელდება.

გერმანიაში მცხოვრებმა ბიძინა გიორგობიანმა კონტროლის პალატის განცხადებასთან დაკავშირებით, რომელიც ფონდ „ქომაგის“ ანგარიშების დაყადაღებას ეხება, განმარტება გაავრცელა:

კონტროლის პალატის მონიტორინგის სამსახურმა ფონდ „ქომაგის“ ანგარიშები დააყადაღა. ამ გადაწყვეტილების მიზეზი 17 მაისს, ფონდის ანგარიშზე უცხოეთიდან „საქართველოს კონსერვატიული პარტიის“ საგარეო ურთიერთობათა მდივნის, ბიძინა გიორგობიანის მიერ 90 ათასი ევროს გადმორიცხვა გახდა.

21 მაისს, დავით გარეჯში მასშტაბური მსვლელობა მოეწყობა. როგორც კახეთის საინფორმაციო ცენტრს დავით გარეჯის სამონასტრო კომპლექსის წინამძღვარმა მამა ილარიონმა განუცხადა, მსვლელობა 12:00 საათზე დაიწყება და მასში სასულიერო პირები საქართველოს ყველა კუთხიდან მიიღებენ მონაწილეობას.

საქართველოს ეროვნული უშიშროების საბჭოსთან შექმნილმა უწყებათაშორისმა კომისიამ თავისუფალი და სამართლიანი არჩევნების ჩატარების მიზნით, მუშაობა დაიწყო.

კულტურისა და ძეგლთა დაცვის მინისტრის ნიკა რურუას განცხადებით, დავით - გარეჯის საკითხი 20 მაისს ამერიკის შეერთებულ შტატებში, ჩიკაგოს ნატოს სამიტზე განიხილება, სადაც, სწორედ ამ თემასთან დაკავშირებით, საქართველოსა და აზერბაიჯანის საგარეო საქმეთა მინისტრების შეხვედრაა დაგეგმილი.

საქართველოს საგარეო საქმეთა სამინისტროს ინფორმაციით, 17 მაისს სატელეფონო საუბარი გაიმართა საქართველოს საგარეო საქმეთა მინისტრს გრიგოლ ვაშაძესა და აზერბაიჯანის საგარეო საქმეთა მინისტრს ელმარ მამედიაროვს შორის.

შინაგან საქმეთა სამინისტროს საინფორმაციო ანალიტიკური დეპარტამენტის უფროსი შოთა უტიაშვილი არ ადასტურებს, რომ დავით გარეჯში აზერბაიჯანელი მესაზღვრეები 6 მაისამდე არსებულ პოზიციებს დაუბრუნდნენ.

აზერბაიჯანელი მესაზღვრეები 6 მაისამდე არსებულ პოზიციებს დაუბრუნდნენ. როგორც „ინტერპრესნიუსს“ გარეჯის მონასტრის მღვდელმონაზონმა კირიონმა განუცხადა, აზერბაიჯანელი მესაზღვრეები პირვანდელ მდგომარეობას დაუბრუნდნენ, თუმცა მომლოცველებს მონასტერ უდაბნოს ტერიტორიაზე ამჯერად ქართველი მესაზღვრეები არ უშვებენ.

კახეთში 6 000-მდე აბონენტი ელექტროენერგიის გარეშეა დარჩენილი. ელექტროენერგია არ მიეწოდება გურჯაანის, თელავის, დედოფლისწყაროს და საგარეჯოს რაიონების ნაწილს.

ღამით მოსულმა ძლიერმა წვიმამ გურჯაანის რაიონის სოფლები დააზარალა. ვეჟინში, ჯიმითსა და კაჭრეთში რამდენიმე საცხოვრებელი სახლის პირველი სართული და სარდაფები დაიტბორა. ადიდებულმა ხევმა კაჭრეთისა და ჯიმითის დამაკავშირებელი ხიდიც დააზიანა.

შეზღუდული შესაძლებლობების მქონე პირთა შესახებ გაეროს კონვენციის რატიფიცირების თემა ისევ აქტუალურია. მიუხედავად იმისა, რომ 2009 წლის 20 მაისის, საქართველოს პრეზიდენტის 267-ე ბრძანებულების თანახმად, 2006 წლის 13 დეკემბრის შეზღუდული შესაძლებლობის მქონე პირთა უფლებების კონვენციას ხელი მოეწერა, რატიფიცირების პროცესი 3 წელია გაყინულია.