ოთხშაბათი, 08 სექტემბერი 2010 16:29
იაკობ გოგებაშვილის სახელობის თელავის სახელმწიფო უნივერსიტეტის რექტორი გიორგი გოცირიძე თანამდებობიდან გადადგა. უნივერსიტეტის აკადემიურმა საბჭომ მისი განცხადება დააკმაყოფილა. გოცირიძე თანამდებობიდან გადადგომის მიზეზებზე არ საუბრობს. კახეთის საინფორმაციო ცენტრის ინფორმაცით, გიორგი გოცირიძე გუშინ განათლებისა და მეცნიერების სამინისტროში იყო დაბარებული, რის შემდეგაც ეს გადაწყვეტილება მიიღო.
ოთხშაბათი, 08 სექტემბერი 2010 10:43
სამართალდამცავებმა სპეცოპერაციის შედეგად პანკისის ხეობაში თავდაცვის სამინისტროს მაღალჩინოსანი სოსო ღუზარაული დააკავეს. კახეთის საინფორმაციო ცენტრის ინფორმაციით, ღუზარაული იარაღით ვაჭრობაშია ეჭვმიტანილი. ჩხრეკის შედეგად ხეობაში მდებარე ერთ-ერთი სახლიდან, სადაც ღუზარაული იმყოფებოდა, სამართალდამცავებმა იარაღი ამოიღეს. პოლიციამ დანაშაულში კიდევ ერთი ეჭვმიტანილის, ყოფილი სამხედრო ოფიცრის, გვარად ბათირიშვილის დაკავება ვერ შეძლო. ის შემთხვევის ადგილიდან მიიმალა და ამ დროისთვის ძებნაშია.
სამშაბათი, 07 სექტემბერი 2010 10:30
თელავის რაიონის სოფელ სანიორეში მცხოვრები ბიზნესმენის, აწ გარდაცვლილი ნოდარ საქუაშვილის ოჯახს ქონება წაართვეს. როგორც კახეთის საინფორმაციო ცენტრს ბიზნესმენის მეუღლემ ლია ელიზბარაშვილმა განუცხადა, შანტაჟით და სხვადასხვა დოკუმენტების გაყალბების შედეგად, ბიზნესმენის 9 მილიონ ლარად შეფასებული ქონება ნოდარ საქუაშვილის დამ ქეთევან ჯინჭველაძემ მიითვისა. ლია ელიზბარაშვილის თქმით, ქეთევან ჯინჭველაძის მეუღლე ნუგზარ ჯინჭველაძე საქართველოს შს მინისტრის ვანო მერაბიშვილის მეუღლის თაკო სალაყაიას ბიძაა.
ორშაბათი, 06 სექტემბერი 2010 13:24
ოქტომბერში საქართველოში სისხლის სამართლის ახალი საპროცესო კოდექსი ამოქმედდება. ახალი კოდექსი 680-დან 333 მუხლამდე შემცირდა. საპროცესო კოდექსის ენა გამარტივებულია. მხარეები თანაბარი უფლებებით სარგებლობენ. შემცირდება წინაწარი პატიმრობის ვადები და გირაოს თანხა. პროკურორის უფლებები იზღუდება. ცვლილებები ეხება ბრალდებულის სტატუსსაც. იუსტიციის მინისტრის მოადგილის თინა ბურჯალიანის თქმით, კანონპროექტის საბოლოო ვერსია პარლამენტს უახლოეს მომავალში წარედგინება.
პარასკევი, 03 სექტემბერი 2010 09:53
კახეთში, რთველს წინ პოლიციის გასაიდუმლოებული სპეცოპერაცია უძღვის, რომლის მიზანია, რაც შეიძლება მეტმა ღვინის ქარხანამ ჩაიბაროს ყურძენი, თუნდაც მისი ბიზნესს ინტერესების საზიანოდ. სახელმწიფოს ინტერესი მარტივია, ყურძნის ჩაბარებისას მინიმუმამდე დავიდეს კახელი გლეხობის უკმაყოფილება, რომ ეს ყველაფერი, სოციალურ ბუნტში არ გადაიზარდოს. მეორე კვირაა, პოლიციელები, კუდ-ის და სოდ - ის თანამშრომლები სერიოზულ ზეწოლას ახდნენ კახეთში არსებულ ღვინის ქარხნების მეპატრონეებზე.
პარასკევი, 03 სექტემბერი 2010 09:24
23 აპრილიდან 26 აპრილის ჩათვლით ნაციონალური ტელეკომპანიების საინფორმაციო გამოშვებების მთავარი თემა სოფელ ველისციხეში გამოცხადებული საგანგებო მდგომარეობა იყო. დილის, დღის და საღამოს „კურიერში“, „მოამბესა“ და „ქრონიკაში“ შინაგან საქმეთა, იუსტიციის, რეგიონული განვითარების, სოფლის მეურნეობის, გარემოს დაცვის მინისტრები, კახეთის გუბერნატორი, ვიცე გუბერნატორი და გურჯაანის გამგებელი ტრიალებდნენ.
ოთხშაბათი, 01 სექტემბერი 2010 11:40
კახეთში „რთველი - 2010“ უკვე დაიწყო. ერთადერთი კომპანია ვინც ამ დროისთვის რეგიონში ყურძენს იბარებს „გრუზ ვინ პრომია“, რომელიც სახელმწიფო საწარმოა და საქართველოს ეკონომიკის სამინისტროს ბალანსზე იმყოფება. კომპანია საფერავის ჯიშის ყურძენში 40 თეთრს იხდის, რქაწითელში - 30 თეთრს. ღვინის სხვა კომპანიები ყურძნის მიღებაზე ჯერ - ჯერობით თავს იკავებენ. მეღვინეების თქმით, რუსეთის მხრიდან ემბარგოს გამოცხადების შემდეგ, ღვინის რეალიზაცია უჭირთ და თავისუფალი ჭურჭელიც არ აქვთ, რომ ყურძენი მიიღონ.
სამშაბათი, 31 აგვისტო 2010 17:06
წინა ღამეს ძალიან ცოტა მეძინა - დილისთვის ვემზადებოდი და თან ვფიქრობდი. ოთხ დღეში იმდენი საჩუქარი მოგვიგროვდა, რომ ორი მანქანის საბარგულში ვერ ჩავტიეთ. ტვირთის ტრანსპორტირებაში „რადიო თავისუფლება“ გვეხმარებოდა. კახა გაბრელაშვილის ოჯახში ცოტა ჭურჭელი, საკმაო რაოდენობის პროდუქტი და უამრავი ტანსაცმელი მიგვქონდა, განსაკუთრებით, ნათიასთვის. ტანსაცმლის გარდა, დარწმუნებული ვიყავი, ბავშვს შესანიშნავი ჩანთებით, სათამაშოებით და წიგნებით გავახარებდით. ვიცოდი, რომ ძალიან მოწყენილია.
სამშაბათი, 31 აგვისტო 2010 10:58
გურჯაანის მაჟორიტარი დეპუტატი გიორგი ჩივიაშვილი მუნიციპალიტეტის გამგეობის კუთვნილი „ჯიპით“ უკანონოდ სარგებლობს. ჩივიაშვილმა პარლამენტის წევრის მანდატი 2010 წლის 30 მაისის შუალედური საპარლამენტო არჩევნების შედეგად მიიღო. არჩევნების შემდეგ გამგებლის ვაკანტურ ადგილზე გამგებლის ყოფილი მოადგილე შოთა უტიაშვილი დაინიშნა, რომელიც იმის გამო, რომ გამგეობას მანქანა აღარ ჰყავს, პოლიციის კუთვნილი „ნივით“ გადაადგილდება.
ორშაბათი, 30 აგვისტო 2010 11:06
სამართალდამცავებმა წინანდლის ღვინის ქარხნის დირექტორი სანდრო მეგუთნიშვილი დააკავეს. პროკურატურა სანდრო მეგუთნიშვილს წინასწარი შეთანხმებით ჯგუფის მიერ ხულიგნობის ჩადენაში და კუდ-ის თანამშრომლის კუთვნილი ნივთის დაზიანებაში ადანაშაულებს. ინციდენტის თვითმხილველების თქმით, ძალოვანებმა ბიზნესმენისგან მოითხოვეს, ღვინის კომპანიას გლეხებისგან ყურძენი მიეღო, რაზედაც სანდრო მეგუთნიშვილმა უარი თქვა, რის შემდეგაც ის დააპატიმრეს.
პარასკევი, 27 აგვისტო 2010 13:29
კახეთის საპატრულო პოლიციის ყოფილ უფროსს დავით ტაბუცაძეს უკრაინაში, ბორისპოლის აეროპორტიდან საცოლე ნათია ჩხარტიშვილი მოსტაცეს. ამ ინფორმაციას უკრაინული გაზეთი „უკრაინსკაია პრავდა“ ავრცელებს. ნათია ჩხარტიშვილი ქართველი ბიზნესმენის ვანო ჩხარტიშვილის შვილია. „უკრაინსკაია პრავდას“ ცნობით, ნათია ჩხარტიშვილი აეროპორტიდან უკრაინის უსაფრთხოების სამსახურისა და ტარიელ ვასაძის დაცვამ გაიტაცა.
პარასკევი, 27 აგვისტო 2010 12:29
ქრთამის აღების ბრალდებით 2008 – 2010 წლებში ყველაზე მეტი სახელმწიფო მოხელე კახეთშია დაკავებული. კახეთის საინფორმაციო ცენტრის მიერ შინაგან საქმეთა სამინისტროდან მოპოვებული სტატისტიკური მონაცემებით, სამართალდამცავებმა კორუფციის ფაქტზე რეგიონში 20-ზე მეტი სახელმწიფო მოხელე აიყვანეს.
სამშაბათი, 24 აგვისტო 2010 09:23
საქართველოში ყოველი მესამე ქალი ფიქრობს, რომ თუკი მამაკაცი საკუთარ ცოლს სცემს, ეს ნორმალურია. „გააჩნია ცემის მიზეზს, შეიძლება, მან დაიმსახურა გალახვა. თუმცა, მარტო ვირს უნდა ცემა. თუ ქალზე ხელს აწევ, სახლიდანაც უნდა გაუშვა“... - ასე ფიქრობს ერთი საშუალო სტატისტიკური ქართველი მამაკაცი, რომლის პასუხიც, გაეროს მოსახლეობის ფონდის ბოლო კვლევის მიხედვით, ქართველ მამაკაცთა შორის ტენდენციაა.
ორშაბათი, 23 აგვისტო 2010 09:08
1987 წლიდან მოყოლებული საქართველოში ბუნებრივი კატასტროფების გამო 400 ადამიანი დაიღუპა. ამავე პერიოდში ეკომიგრანტების სტატუსით 50 ათასამდე ოჯახი გაიყვანეს. ათეულობით სოფელი მთლიანად დაიცალა. გარემოს ეროვნული სააგენტოს ინფორმაციით, მეტ-ნაკლები სიმძაფრით, საფრთხის წინაშე საქართველოს ყველა რეგიონი დგას. სპეციალისტების ცნობით, უხვი ატმოსფერული ნალექების მოსვლის პირობებში სტიქიური გეოლოგიური პროცესების მნიშვნელოვანი გააქტიურებაა მოსალოდნელი კახეთში. საფრთხე რეგიონის 50-ზე მეტ სოფელს ემუქრება.
პარასკევი, 20 აგვისტო 2010 12:22
ერთი შეხედვით უვნებელი ანტიდეპრესანტისგან, რომელიც აფთიაქებში იაფად იყიდება, ქართველი ნარკომანები ხელოვნურ ნარკოტიკს ამზადებენ. ცოტამ თუ იცის, რომ პირველივე ინექციას შესაძლებელია ფატალური შედეგი მოჰყვეს.
შენიშვნა: ვაცნობიერებთ, რომ ეს მასალა შესაძლებელია არასრულწლოვანებისთვის ხელმისაწვდომი აღმოჩნდეს, ამიტომ, შეგნებულად არ ვასახელებთ იმ პრეპარატის სახელწოდებას, რომლის შესახებაც სტატია დაიწერა.
ხუთშაბათი, 19 აგვისტო 2010 09:26
„მთელი პასუხისმგებლობით ვაცხადებ, რომ არავითარი მასწავლებელთა შემცირება არ იგეგმებოდა, არ იგეგმება და არ შეიძლება დაიგეგმოს“ - განათლებისა და მეცნიერების მინისტრი დიმიტრი შაშკინი, 2010 წლის 17 ივნისი. 05 აგვისტოდან 14 აგვისტოს ჩათვლით, მარტო „ადამიანის უფლებათა ცენტრის“ კახეთის ოფისში საჯარო სკოლებიდან გათავისუფლებული მასწავლებლების 247 განცხადებაა შესული. პედაგოგების სამსახურიდან გათავისუფლების შესახებ ბრძანებებში ყველგან შრომის კოდექსის 37-ე მუხლის პირველი ნაწილის „დ“ ქვეპუნქტია მითითებული.
სამშაბათი, 17 აგვისტო 2010 10:32
დედოფლისწყაროს რაიონის მაჟორიტარ დეპუტატს, პარლამენტის წევრს ავთანდილ ლეკაშვილს 820 ჰა მიწა აქვს საკუთრებაში. აქედან დეპუტატი 482 ჰა საძოვარს დედოფლისწყაროს რაიონში ფლობს, 275 ჰა-ს ნინოწმინდის რაიონში და 63 ჰა სახნავ - სათეს მიწას შირაქში. ლეკაშვილის თქმით, მიწები მან მანამდე იყიდა, სანამ პარლამენტის წევრი გახდებოდა. მისივე თქმით, 1 ჰა საძოვარი 30 ლარად აქვს ნაყიდი, 1 ჰა სახნავ - სათესი კი 440 ლარად. რა გზა გაიარა ავთანდილ ლეკაშვილმა დეპუტატობამდე?
ორშაბათი, 16 აგვისტო 2010 11:50
პანკისის ხეობაში დიდი „ვაჰაბიტური“ მეჩეთი, რომელსაც უკვე „სოფლის მშვენებას“ უწოდებენ, სუფისტების სალოცავის საძირკველზე შენდება. ზუსტად ასე ანაცვლებს ქისტურ სოფლებში ახალი რელიგიური განშტოება ძველ, მუსლიმურ ტრადიციებს. „ლა ილაჰა ილლა ლლაჰ“, - „არ არს ღმერთი თვინიერ ალაჰისა“, - მღერის თეთრთავსაფრიანი ქალბატონი, საფეთქელთან ხელს იდებს, თვალებს ხუჭავს და წრეზე დადის. ათიოდე ხანშიშესული ფეხშიშველი ქალი ტაშს უკრავს, ფეხებს რიტმულად აბაკუნებს და წამღერებით ლოცულობს.
პარასკევი, 13 აგვისტო 2010 11:07
სასტუმროსა და რესტორნების ქსელის „ალაზნის ველის“ მეპატრონეს კოტე მახათელაშვილს თელავის რაიონულმა სასამართლომ აღკვეთის ღონისძიება პატიმრობა გირაოთი შეუცვალა. მახათელაშვილი 250 000 ლარის გადახდის სანაცვლოდ გაათავისუფლეს. მასთან ერთად დაკავებული 6 პირიდან ოთხს 10 – 10 ათასი ლარი გადაახდევინეს, ორი კი ამ დრომდე პატიმრობაში რჩება. კახეთის საინფორმაციო ცენტრის ინფორმაციით, პროკურატურა კოტე მახათელაშვილთან, ნახევარი მილიონი ლარის გადახდის შემთხვევაში, საპროცესო შეთანხმების გაფორმებას აპირებს.
ხუთშაბათი, 12 აგვისტო 2010 12:33
წელს კახეთში რთველი 24 აგვისტოს დაიწყება. ამის შესახებ განცხადება სოფლის მეურნეობის მინისტრმა ყვარელში გამართულ მთავრობის სხდომაზე გააკეთა. მოსავლის მოსალოდნელი რაოდენობა ბაკურ კვეზერელმა პრეზიდენტს ვერ განუმარტა იმ მარტივი მიზეზის გამო, რომ სამინისტროს პროგნოზირების სამსახური არ გააჩნია. ამ ეტაპისთვის კვეზერელი შემოიფარგლა იმ მწირი ინფორმაციით, რომ კახეთის მასშტაბით მიმდინარე წელს, ყურძნის მიმღები 34 პუნქტი იმუშავებს.
გვერდი 1 / 5
არამიზნობრივი ხარჯვა
 ბაკურ კვეზერელი: „არცერთი კილოგრამი ყურძენი დასაბინავებელი არ დარჩება“ |
გარემოს დაცვის სამინისტროში მომხდარი ინციდენტის აუდიოჩანაწერი
| ||||||||||||||||||||||||||||||||||||||||||||||||
 |
 |
 |
ავტორის/ავტორების მიერ საინფორმაციო მასალაში გამოთქმული მოსაზრება არ გამოხატავს დონორების პოზიციას.
შესაბამისად, ფონდები არ არიან პასუხისმგებლები მასალის შინაარსზე.
