რა პრობლემები აქვთ დედოფლისწყაროს რაიონის სოფელ სამთაწყაროში მცხოვრებ ინგილოებს და რატომ არ მიეწოდება სოფელს სარწყავი წყალი? კახეთის საინფორმაციო ცენტრს ადგილობრივი მცხოვრები ესაუბრა.

ამ დროისთვის კახეთის იზოლატორებში 32 პატიმარი რჩება, რომლებიც 26 მაისს საპროტესტო აქციის დარბევის შემდეგ არიან დაკავებულები. როგორც კახეთის საინფორმაციო ცენტრს ახალგაზრდა იურისტთა ასოციაციის თელავის ოფისის ხელმძღვანელმა მარეხ მგალობლიშვილმა განუცხადა, პატიმრები ვერ იცავენ პირად ჰიგიენას.

26 მაისს, თბილისში, სპეცრაზმის მიერ საპროტესტო აქციის დაშლისას ჟურნალისტი კოტე სტალინსკიც დაშავდა. მას რეზინის ტყვიები მუცლის და ფეხის არეში მოხვდა. სტალინსკი ამბობს, რომ ინტერნეტ ტელევიზია „ITV“-ს ოპერატორს ვანო აბრამიშვილს ყბა აქვს გადატეხილი. მისივე თქმით, დაშავდა ამავე ტელევიზიის მეორე ოპერატორიც, რომელსაც ტვინის შერყევა აქვს.

„სახალხო კრების“ აჭარელი მხარდამჭერი მურმან დუმბაძე, რომელიც 26 მაისს, აქციის დაშლის დროს დააკავეს, თელავის იზოლატორშია მოთავსებული. დაკავებულის ადვოკატი მარეხ მგალობლიშვილი აცხადებს, რომ დუმბაძე სასტიკად არის ნაცემი და მთელ სხეულზე დაზიანებები აღენიშნება. მურმან დუმბაძეს, პოლიციისთვის დაუმორჩილებლობის ბრალდებით, 30 დღით პატიმრობა აქვს შეფარდებული. ოპოზიციონერი არც დაკავების და არც მისი ცემის ფაქტებს არ ასაჩივრებს.

26 მაისს რადიო თავისუფლების დილის გადაცემაში წინა ღამით მიტინგის დაშლის თვითმხილველი ჟურნალისტები თაზო კუპრეშვილი „ნეტგაზეთიდან“ და რადიო თავისუფლების კორესპონდენტი დავით ჩაგანავა იყვნენ. ისინი მომხდარის დეტალებს ყვებოდნენ.

თელავის ბავშვთა სახლიდან დაკარგული ბავშვები იპოვეს. ერთ-ერთი მოზარდი ბავშვთა სახლში უკვე დააბრუნეს, მეორე კი, როგორც ბავშვზე ზრუნვის სააგენტოს წარმომადგენელმა დათო კობახიძემ განაცხადა, გორში, დედის ოჯახში იმყოფება.

კახეთის საინფორმაციო ცენტრის კორესპონდენტი მადონა ბატიაშვილი სიღნაღის რაიონის სოფელ ერისიმედში იმყოფებოდა, საიდანაც რეპორტაჟი მოამზადა.

ფინანსთა სამინისტროს შემოსავლების სამსახურის ძალისხმევით რამდენიმე ასეულმა პენსიონერმა მიმდინარე წლის მარტსა და აპრილში კუთვნილი პენსია ვერ მიიღო. მათს ანგარიშზე დარიცხული თანხა შემოსავლების სამსახურმა ავტომატურად ჩამოჭრა. ფინანსთა სამინისტროში აცხადებენ, რომ ინდივიდუალურ მეწარმეებად დარეგისტრირებული პენსიონერები ამგვარ მდგომარეობაში სხვადასხვა დროს დაკისრებული ჯარიმებისა და საურავების გამო ჩაცვივდნენ. ასევე დავალიანების გამო შემწეობას ვერ იღებს ასობით სოციალურად დაუცველი ოჯახი. როგორ დარჩნენ პენსიონერები პენსიის გარეშე?

რადიო „თავისუფლება“

დედოფლისწყაროს პოლიციის თანამშრომლებმა სიღნაღის რაიონის სოფელ ბოდბისხევში მცხოვრებ ვანო ქვრივიშვილის ოჯახს ფიროსმანის მიერ მოხატული კარი წაართვეს.

13 წლის ფიქრია ძამიაშვილი ჟვანიას სახელობის ბავშვთა პედიატრიული კლინიკის რეანიმაციულ განყოფილებაშია მოთავსებული. მესამე დღეა ბავშვი უგონოდ არის და ხელოვნური სუნთქვის აპარატზეა მიერთებული. გოგონას დედა ნინო ძამიაშვილი ამბობს, რომ ოჯახს ძალიან უჭირს და ბავშვისთვის წამლის ყიდვა ვერ შეძლო, რის გამოც ფიქრიას კრუნჩხვები დაემართა. სიღატაკის მიუხედავად ძამიაშვილები სოციალურ დახმარებას ვერ იღებენ და არც სამედიცინო დაზღვევის პოლისი აქვთ. ნინო ძამიაშვილის თქმით, საავადმყოფოს ადმინისტრაცია მას თანხის გადახდას სთხოვს, რომელიც არ აქვს და იძულებულია გოგონა აპარატიდან გამორთოს.

სიღნაღის და დედოფლისწყაროს სოფლებში მცხოვრები გლეხები ამბობენ, რომ პრეზიდენტის მიერ სოფლებისთვის გადაცემულ ტრაქტორებს ვერ მოიხმარენ. მადონა ბატიაშვილის რეპორტაჟი

სასურსათო ვაუჩერის გასანაღდებლად კახეთში „ლიბერთი ბანკის“ ფილიალებთან დილის 6 საათიდან რიგები დგას. მოსახლეობას რიგში დგომა რამდენიმე დღე უწევს. ზოგიერთი სოფლის მაცხოვრებლებს კი სასურსათო ვაუჩერი ამ დრომდე არ მიუღიათ. მადონა ბატიაშვილის რეპორტაჟი

მაია სიფრაშვილი და მისი შვილები წნორის ბავშვთა საავადმყოფოდან გაწერეს. ექიმის განცხადებით, ავად მხოლოდ დედა და ერთი ბავშვი იყვნენ და ტელეკომპანიების მიერ გავრცელებული ინფორმაცია სიმართლეს არ შეესაბამება.

მუნიციპალიტეტებში გრიპის ვირუსით დაინფიცირებულებისთვის სამედიცინო მომსახურება ფასიანია. როგორც კახეთის საინფორმაციო ცენტრს რაიონულ პოლიკლინიკებში განუცხადეს, მომსახურება უფასო მხოლოდ თბილისშია, რასაც ქალაქ თბილისის მერია აფინანსებს. გურჯაანის პოლიკლინიკის დირექტორის სოფიო ქუმსიაშვილის კომენტარი.

შეზღუდული შესაძლებლობების მქონე 13 წლის მოზარდი სკოლაში აღარ დადის. მშობლების თქმით, „წმინდა ილია მართლის სახელობის ყვარლის სკოლიდან“ ის იმ მიზეზით გაუშვეს, რომ გონებაშეზღუდულია. რატომ გაუშვეს მოსწავლე საპატრიარქოს სკოლიდან, მოუსმინეთ ბავშვის დედას, მეუფე სერგის და „წმინდა ილია მართლის სახელობის ყვარლის სკოლის“ სასწავლო ნაწილის გამგეს ლანი ბეჟანიშვილს.

ამავე თემაზე შეგიძლიათ იხილოთ ფოტორეპორტაჟი

არქეოლოგებმა დედოფლისწყაროს რაიონში, საქართველო - აზერბაიჯანის საზღვართან, 3 000 წლის წინანდელი ნაქალაქარი აღმოაჩინეს. ილიას სახელობის სახელმწიფო უნივერსიტეტის პროფესორებმა თანამედროვე ტექნოლოგიებით ადგილის შესწავლა უკვე დაიწყეს. გათხრები კი 2011 წლის გაზაფხულზე დაიწყება

საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტრო არ აპირებს სახალხო დამცველის რეკომენდაციის შესრულებას, რომლითაც ომბუდსმენი ახმეტის რაიონის სოფელ ქორეთში მცხოვრები ეკომიგრანტის, მუხამედ გოგიტიძის ოჯახის სათანადო საცხოვრებელი ფართით უზრუნველყოფას ითხოვს. ამის შესახებ კახეთის საინფორმაციო ცენტრს განსახლების სამმართველოს უფროსმა გიორგი მაზმიშვილმა განუცხადა.

სიღნაღის რაიონის სოფელ ყარაღაჯის მოსახლეობა სოფელში პოლიციის განყოფილების გახსნას ითხოვს. მადონა ბატიაშვილის რეპორტაჟი ყარაღაჯიდან.

პანკისის ხეობის სოფელ ბირკიანში, ცენტრალური ავტომაგისტრალის პირას, მეჩეთი უნებართვოდ შენდება. ახმეტის მუნიციპალიტეტის გამგებლის კობა მაისურაძის განცხადებით, ახალი მეჩეთის მშენებლობის შესახებ მისთვის ცნობილი არ არის.

განათლებისა და მეცნიერების სამინისტროს მიერ გამოცხადებული კონკურსის ვადა, რომლის ფარგლებშიც საჯარო სკოლების უფროსკლასელებს თემაზე „მე მიყვარს ჩემი პოლიცია“ მასალები უნდა მოემზადებინათ, 25 ნოემბერს იწურება. კახეთის საინფორმაციო ცენტრი კონკურსთან დაკავშირებით ყვარლის 1-ელი საჯარო სკოლის დირექტორს ნუნუ ტუშურს ესაუბრა.