ლევან ახალაურმა, რომელიც 2005 წელს თელავის რაიონის სოფლის მეურნეობის სამმართველოს ხელმძღვანელობდა, სახელმწიფოს 305 000 ლარის ზარალი მიაყენა. მიუხედავად ამისა, ახალაური დაწინაურდა. 2006 წელს მან თელავის რაიონის გამგებლის თანაშემწის თანამდებობა დაიკავა, 2007 წლის თებერვლიდან 2010 წლის მაისის ჩათვლით კი თელავის მუნიციპალიტეტის საკრებულოს თავმჯდომარე იყო. ივლისში ის სოციალური მომსახურების სააგენტოს კახეთის რეგიონული საკოორდინაციო ცენტრის უფროსად დაინიშნა.

ვრცლად

საბჭოთა კავშირის დაშლის შემდეგ საქართველოში ათასობით ტონა ისეთი შხამ - ქიმიკატები დარჩა, რომლებიც წამლავს ადამიანსა და სხვა ცოცხალ ორგანიზმებს, იწვევს სიმსივნურ დაავადებებს და ბავშვებში თანდაყოლილ დეფექტებს, აბინძურებს წყალს, საკვებსა და ჰაერს. ამ მხრივ ყველაზე უფრო საშიშ რეგიონს კახეთი წარმოადგენს. საერთაშორისო საზოგადოება აქტიურად ებრძვის ვადაგასულ შხამ - ქიმიკატებს. კახეთში ვადაგასული პესტიციდების რისკ - ფაქტორების შემცირების პროექტი ჰოლანდიის მთავრობამ დააფინანსა, ოღონდ ქართულმა მხარემ პროექტი ფაქტობრივად ჩააგდო.

ვრცლად

საქართველოში ყოველწლიურად 2,4 ტონა ჰეროინი იყიდება, საიდანაც ნარკორეალიზატორები მინიმუმ 700-მილიონიან მოგებას ნახულობენ. 2 წლის მანძილზე კი პოლიციამ მხოლოდ 18 კილოგრამი ჰეროინი ამოიღო. გაერთიანებული ერების ორგანიზაციისა და ამერიკის შეერთებული შტატების სახელმწიფო დეპარტამენტის ნარკოტიკებთან ბრძოლის ბიუროს მონაცემებით, საქართველოში 240 ათასიდან 350 ათასამდე ნარკომანია, ხოლო სომხეთში - 160 ათასი, აზერბაიჯანში - 20 ათასი, ყაზახეთში კი - 25 ათასი.

ვრცლად

მიუხედავად გაუქმებული მინდობილობისა, საქართველოს მთავრობის კანცელარიის უფროსის მოადგილემ ქართლოს ყიფიანმა მამიდის სამსართულიანი სახლი თავად გაყიდა, თავადვე იყიდა და 20 ათასი ლარი თავის თავსვე გადაუხადა. თუმცა, ამ თანხიდან მამიდისთვის არაფერი მიუცია. ქართლოს ყიფიანსა და მის მამიდას, ნანი ყიფიანს შორის სასამართლო დავა უკვე სამი წელიწადია გრძელდება.

ვრცლად

2010  წლის 9 ივნისს, ტელეკომპანია „იმედის“ დილის საინფორმაციო გამოშვებაში გავიდა სიუჟეტი, სადაც ყვარლის რაიონის სოფელ ბალღოჯიანის საჯარო სკოლის დირექტორს ზურაბ თაბაგარს მე-9 კლასის მოსწავლის გაუპატიურების მცდელობაში ადანაშაულებდნენ. დირექტორს ბრალს სამი მასწავლებელი სდებდა. იმავე დღეს, 20:00 საათიან „ქრონიკაში“ კიდევ ერთი სიუჟეტი გავიდა. ბალღოჯიანის მკვიდრი ლევან კეკენაძე აცხადებდა, რომ დირექტორი გარყვნილ ქმედებაში ადრეც იყო შემჩნეული და მას ამის გამო მოსაკლავად დასდევდნენ.

ვრცლად

მკერდის, ყელის და კანის სიმსივნე, ინტოქსიკაციის ზოგადი მოვლენები, ღვიძლის ციროზი, ეს იმ დაავადებების არასრული ჩამონათვალია, რითაც საგარეჯოს რაიონის სოფლებში, ნინოწმინდასა და წყაროსთავში მცხოვრებნი მასობრივად ნავთობის ამოფრქვევის შემდეგ დაავადდნენ. ნავთობკომპანია „კანარგო - ჯორჯიას” კუთვნილ ჭაბურღილზე მომხდარი ავარიის შედეგად განადგურდა ასობით ჰექტარი ტყის მასივი, დაბინძურდა წყალი და ნიადაგი. ადამიანები ცოცხლად ლპებიან. მნიშვნელოვნად იმატა სიკვდილიანობამ.

ვრცლად

საქართველოში 2010 წლის ადგილობრივი თვითმმართველობის არჩევნების სამართლიანად ჩატარება, როგორც პრეზიდენტმა სააკაშვილმა აღნიშნა, ქვეყნის ღირსების საკითხია. მან „ნაციონალური მოძრაობის“ წევრებს ისიც უთხრა, რომ „სალაპარაკო არ მიეცათ ოპოზიციური პარტიებისთვის“, რაც საარჩევნო პროცესში სახელისუფლებო პარტიის ჩაურევლობასაც გულისხმობდა. თუმცა, კახეთის მაგალითზე აღმოჩნდა, რომ საუბნო საარჩევნო კომისიების მდივნებს, რომლებიც ოპოზიციურმა პარტიებმა წარადგინეს და წესით, ოპოზიციის ინტერესებს უნდა იცავდნენ, „ნაციონალურ მოძრაობასთან“ აქვთ კავშირი.

ვრცლად

სახალხო დამცველის მიერ მომზადებული ყოველწლიური ანგარიშების მიხედვით, არსებული საკანონმდებლო გარანტიების მიუხედავად, საქართველოში საკუთრების უფლების დანაშაულებრივი ხელყოფის რიცხვი მატულობს. ძალოვანების მიერ განხორციელებული ზეწოლის შედეგად, მოქალაქეები იძულებულები ხდებიან, უძრავი ქონება ჩუქების ფორმით ეპარქიებს გადასცენ. ოფიციალურად, სოლომონ ხახუტაშვილმა საკუთარი მიწის ნაკვეთი ნეკრესის ეპარქიას აჩუქა. ფაქტები კი იმაზე მიუთითებს, რომ წინამძღვრის დავალებით, ადგილობრივმა ჩინოვნიკებმა და პროკურატურამ ქონება მას შანტაჟის გზით წაართვეს.

ვრცლად

სოციოლოგიური და მარკეტინგული კვლევების ცენტრ IPL-ის მიერ რამდენიმე დღის წინ, თბილისში, შემთხვევითი შერჩევის მეთოდით გამოკითხული 320 რესპონდენტიდან 83,25%-ს მიაჩნია, რომ მოსახლეობის უმეტესობისთვის წამლები ხელმისაწვდომი არ არის, მხოლოდ 5,5 %-სთვისაა იგი ხელმისაწვდომი. 56,25%-სთვის მედიკამენტის გამოყენების ეფექტურობის შესახებ ინფორმაციას მისთვის მედიკამენტის შეძენისას გადამწყეტი მნიშვნელობა აქვს, 21,87% მნიშვნელობას ანიჭებს მწარმოებელ ქვეყანას, ხოლო 20% - ფასს.

ვრცლად

 საქართველოში, მოქალაქის მიერ ჯანდაცვაზე გაწეული ხარჯის 48% წამლებზე მოდის და არა ექიმის მომსახურებაზე. რადგან ქვეყანაში დაზღვევის ინსტიტუტი ჯერ კიდევ არ არის სათანადოდ განვითარებული, ამიტომ პაციენტებს  წამლების შეძენა საკუთარი ჯიბიდან უწევთ. წამლის თანხას არც ყველაზე ფართოდ გავრცელებული სახელმწიფო პროგრამა ე.წ. 5-ლარიანი დაზღვევა ანაზღაურებს. საქართველოს მოსახლეობამ არ იცის, რა წამლებს სვამს. ფარული გარიგებისა და კორუფციის ნიშნები ქართულ ფარმაცევტულ ბიზნესში. 

ვრცლად

გასული წლის დეკემბერში ამერიკელმა კონგრესმენმა ფრენკ ვოლფმა საქართველოს იუსტიციის მინისტრს ზურაბ ადეიშვილს წერილი გამოუგზავნა და პოლიტპატიმრების გათავისუფლება მოითხოვა. კონგრესმენს მოჰყავს ციტატა აშშ სახელმწიფო დეპარტამენტის ანგარიშიდან ადამიანის უფლებების შესახებ, სადაც სხვა დარღვევებთან ერთად საუბარია პოლიტიკურად მოტივირებული დაკავებების, ასევე ხელისუფლების მხრიდან სასამართლო სისტემაზე ზეწოლის ფაქტების შესახებ. მანამდე საქართველოში პოლიტპატიმრების არსებობის ფაქტი ადამიანის უფლებათა საერთაშორისო ფედერაციამ დაადასტურა.

ვრცლად

"ერთიანი ნაციონალური მოძრაობიდან" სიღნაღის მუნიციპალიტეტის მაჟორიტარი დეპუტატობის კანდიდატ ნუგზარ აბულაშვილს, ბევრი კრიმინალური ფაქტი უკავშირდება. სახელისუფლებო და პროკურატურის ორგანოების ყოფილი ჩინოვნიკები, არასამთავრობო ორგანიზაციების წარმომადგენლები, ჟურნალისტები და რიგითი მოქალაქეები, მის მიმართ სისხლის სამართლის საქმის აღძვრას არაერთხელ ითხოვდნენ, მაგრამ უშედეგოდ.

ვრცლად

ალექსი ბახუტოვი 2007 წლის 27 ივნისს დააკავეს. კახეთის საოლქო პროკურატურამ მას ბრალი ლაშა ჩოფიკაშვილის განზრახ მკვლელობაში დასდო, თელავის რაიონულმა სასამართლომ კი ბახუტოვს ექვსი წლით თავისუფლების აღკვეთა მიუსაჯა. საქმის გამოძიებისას სამართალდამცავებმა ბახუტოვი არაერთხელ ისე აწამეს, რომ მან დანაშაულში მონაწილე სხვა პირებიც დაასახელა.

ვრცლად

ფსიქიკური ზეწოლით, ძალადობით და თავისუფლების აღკვეთის მუქარით, სიღნაღში წვრილ მეწარმეებს აკულაკებენ. თამარ თარაშვილი, მანანა მაჭარაშვილი, თამაზ გორელიშვილი, გელა ხელაშვილი, ეს იმ ადამიანების არასრული ჩამონათვალია, ვინც აიძულეს, საკუთრება, თავიანთი ნება-სურვილის საწინააღმდეგოდ, ბიზნესმენ ბაჩანა დავლიანიძისთვის მიეყიდათ.

ვრცლად