ოთხშაბათი, 08 სექტემბერი 2010 12:43
სოფლის მეურნეობის მინისტრმა ბაკურ კვეზერელმა და კახეთის გუბერნატორმა გიორგი ღვინიაშვილმა გურჯაანში რთველის საკოორდინაციო შტაბი ოფიციალურად გახსნეს. როგორც ბაკურ კვეზერელმა განაცხადა, კახეთში რთველი უკვე დაიწყო, თუმცა აქტიურ ფაზაში რამდენიმე დღეში შევა. მინისტრის თქმით, ამ დროისთვის ყურძენს სიღნაღის, გურჯაანის, თელავის და ყვარლის რაიონებში 8 ღვინის ქარხანა იბარებს და არცერთი კილოგრამი ყურძენი დასაბინავებელი არ დარჩება.
სამშაბათი, 07 სექტემბერი 2010 10:41
დუისი, ჯოყოლო, ბირკიანი - პანკისის ხეობის ყველა ამ სოფელს რომ გაივლით და ბაწარა - ბაბანეურის ნაკრძალსაც გასცდებით, სოფელი ტბათანაა - კავკასიონის ქედის სამხრეთ კალთაზე, ალპურ ზონაში, ზღვის დონიდან 2000 მეტრის სიმაღლეზე. მაისიდან სექტემბრის ჩათვლით ახლა იქ მხოლოდ 2 ოჯახიღა ცხოვრობს, შემოდგომაზე ბარში ბრუნდებიან და ტბათანა მომავალ გაზაფხულამდე მიტოვებულია. არადა, სულ რაღაც 20 წლის წინ ტბათანაში 300-ზე მეტი კოტეჯის ტიპის სახლი იდგა. სახლები პანკისის მოვლენების დროს განადგურდა.
ორშაბათი, 06 სექტემბერი 2010 11:55
ცეკვისა და სიმღერის სახელმწიფო ანსამბლმა „გურჯაანმა“ მსოფლიო ფოლკლორის 27-ე ფესტივალზე, რომელიც იტალიაში გაიმართა, 34 ქვეყანას შორის პირველი ადგილი აიღო - ნომინაციაში „საუკეთესო ანსამბლი“. მანამდე ანსამბლ „გურჯაანთან“ არსებულმა საბავშვო ანსამბლმა „ყველაწმინდამ“ ბულგარეთში გამართულ ფესტივალზე, რომელშიც 13 ქვეყანა მონაწილეობდა, პირველი ადგილი მოიპოვა.
ხუთშაბათი, 02 სექტემბერი 2010 10:44
გურჯაანის საბითუმო ბაზარს, სადაც ვაჭრობა დილის 4:00 საათიდან 8:00 საათამდეა, ყოველდღიურად ასობით ადამიანი სტუმრობს. ვაჭრობის პერიოდში მიმდებარე ტერიტორია მანქანებით მთლიანად იკეტება. საბითუმო ბაზრის შუაში, საავტომობილო გზაზე ს/ს „ავტოგაზის“ კუთვნილი მოძრავი ავტოგაზგასამართი სადგური დგას.
ოთხშაბათი, 01 სექტემბერი 2010 09:28
კახეთში, ალაზნისპირა სოფლებში რთველი უკვე დაიწყო. ამ დროისთვის ყურძენს წნორის, კოტეხის, დედოფლისწყაროს და შილდის ღვინის ქარხნები იღებენ. საწარმო 1 კილოგრამ საფერავის ჯიშის ყურძენში 40 თეთრს იხდის, რქაწითელში - 30 თეთრს. ამასთან, მთავრობის მიერ გამოყოფილი სუბსიდიიდან საფერავზე დამატებით 25 თეთრი გაიცემა, რქაწითელზე - 15.
ორშაბათი, 30 აგვისტო 2010 16:50
ყვარლიდან 12 კილომეტრში, სოფელ ჩანტლისყურეში 300-მდე ადამიანი ცხოვრობს, რომელთა წინაპრები დაღესტიდან იყვნენ. ჩანტლისყურეს მეჩეთში დღეში ექვსჯერ ლოცულობენ. „მეჩეთის კარი ყოველთვის ღიაა. ლოცვას ან მე ვიტყვი და ან რომელიმე წინამძღოლი. ახლა სამი წინამძღოლი გვყავს - ერთი 9 წლისაა და ორიც თერთმეტის. მათ თვითონ გადაწყვიტეს წინამძღოლები გამხდარიყვნენ. სულ ლოცულობენ, რამადანს მისდევენ და რასაც ყურანი კრძალავს არ აკეთებენ“ - აგვიხსნა ჩანტლისყურის მეჩეთის წინამძღოლმა ზაგირ ომაროვმა, რომელიც მწვანე ზოლიან თეთ ქუდს ატარებს.
კვირა, 29 აგვისტო 2010 16:05
არასამთავრობო ორგანიზაცია „სამოქალაქო განვითარების ინსტიტუტმა“ თელავის რაიონის სოფელ რუისპირში მცხოვრებ გაბრელაშვილების სამსულიან ოჯახს დახმარება გადასცა. ტანსაცმელი, ფეხსაცმელი, საკვები პროდუქტები და პირველადი მოხმარების ნივთები ოჯახს რუისპირში ორგანიზაციის წარმომადგენლებმა ჩაუტანეს.
ხუთშაბათი, 26 აგვისტო 2010 12:38
ბავშვის უფლებათა კონვენცია, მუხლი 6: ყოველ ბავშვს აქვს სიცოცხლის ხელშეუხებელი უფლება და სახელმწიფო ვალდებულია უზრუნველყოს ბავშვის სიცოცხლის შენარჩუნება და ჯანსაღი განვითარება. მუხლი 27: ყველა ბავშვს აქვს უფლება უზრუნველყოფილი იყოს ცხოვრების ისეთი დონით, რომელიც აუცილებელია მისი ფიზიკური, გონებრივი, სულიერი, ზნეობრივი და სოციალური განვითარებისათვის. თელავის რაიონის სოფელ ვანთაში მცხოვრებ ნუსხელიძეების ოჯახში გაუსაძლისი პირობების გამო 2 ბავშვი უკვე გარდაიცვალა, სამი მცირეწლოვანის სიცოცხლე კი საფრთხეშია.
ოთხშაბათი, 25 აგვისტო 2010 12:54
10 აგვისტოს თელავის რაიონის სოფელ რუისპირში ორგანიზაცია „Every Child“-ის სახლი დაიწვა. ხანძრის შედეგად კახა გაბრელაშვილის სამსულიანი ოჯახი ღია ცის ქვეშ დარჩა. კახა, მისი მეუღლე და 6 წლის ქალიშვილი ამჟამად ფარდულში ცხოვრობენ, რომელსაც ბრეზენტი აქვს გადაფარებული. ოჯახს არაფერი აღარ აქვს. ხანძარმა ყველაფერი გაანადგურა. სამოქალაქო განვითარების ინსტიტუტმა, რომლის ხელმძღვანელიც ია ანთაძეა, გაბრელაშვილების ოჯახის დასახმარებლად სპეციალური აქცია დაიწყო.
ოთხშაბათი, 25 აგვისტო 2010 10:19
თივი ყვარლის რაიონის სოფელია. მოსახლეობის 2002 წლის აღწერის მონაცემებით, სოფელში 1005 ადამიანი ცხოვრობდა. სოფელი ლეკებით არის დასახლებული.
სამშაბათი, 24 აგვისტო 2010 09:43
ყვარლის რაიონის სოფელ თხილისწყაროში 45 ოჯახი ცხოვრობს. სოფელი რაიონული ცენტრიდან 27 კილომეტრით არის დაშორებული. საზოგადოებრივი ტრანსპორტი არ მოძრაობს. სახელმწიფო დაწესებულებებიდან ერთადერთი რაც სოფელში ფუნქციონირებდა, არასრული საჯარო სკოლა იყო, რომელიც განათლების სამინისტროს გადაწყვეტილებით გაუქმდა.
ორშაბათი, 23 აგვისტო 2010 09:58
„სოფელს ერთი მხრიდან მდინარე თხილისხევი ჩაუდის, მეორე მხრიდან მდინარე შოროხევი. დაიწყება თუ არა წვიმები, ჩანთებს ვალაგებთ, რომ წყალდიდობის შემთხვევაში მთაში გახიზვნა მოვასწროთ. სოფლიდან ვერ გავალთ, რადგან ადიდებულ მდინარეს სოფელთან დამაკავშირებელი ერთადერთი გზაც მიაქვს ხოლმე. ხშირად 2-3 კვირა გარესამყაროს მოწყვეტილები ვართ. გაზაფხულზე ადიდებულმა მდინარემ ვენახები წაიღო, სოფლის წისქვილი და ერთი საცხოვრებელი სახლიც დაანგრია“, - გვითხრა ყვარლის რაიონის სოფელ საცხენეს მკვიდრმა გივი ქენქაძემ.
პარასკევი, 20 აგვისტო 2010 11:18
გურჯაანის სკოლა - პანსიონი ერთადერთი დაწესებულებაა საქართველოში, სადაც ჯანმრთელ, მზრუნველობამოკლებულ ბავშვებთან ერთად, ცერებრალური დამბლით დაავადებული ბავშვები სწავლობენ. მოზარდებს პანსიონში სპეციალური მკურნალობაც უტარდებათ. განათლების სამინისტროს გადაწყვეტილებით, სკოლა - პანსიონი სექტემბერში იხურება.
ხუთშაბათი, 19 აგვისტო 2010 10:13
თელავში აკვაპარკის სამშენებლო სამუშაოები 24 საათიან რეჟიმში მიმდინარეობს. როგორც კახეთის საინფორმაციო ცენტრს მშენებლობის კოორდინატორმა ლევან დავითაიამ განუცხადა, წინასწარი ინფორმაციით, აკვაპარკი 20 აგვისტოს გაიხსნება.
ოთხშაბათი, 18 აგვისტო 2010 10:58
„მატანს რომ გასცდებით, ასახვევია. იქ უნდა აუხვიოთ, მაგრამ ამ მანქანით ვერ ახვალთ. ფეხით გაგიჭირდებათ. ტრასიდან 4 კილომეტრზე მეტი იქნება და ძალიან ცუდი გზაა“, - გვითხრა ტაქსის მძღოლმა ახმეტის ავტოსადგურში, რომელსაც ხევისჭალისკენ მიმავალი გზის მისწავლება ვთხოვეთ. მატანს გავცდით. ასახვევშიც ავუხვიეთ. რამდენიმე ასეული მეტრი გავიარეთ, ორჯერ მდინარეც გადავკვეთეთ, მაგრამ მესამედ ვეღარ შევძელით. ღრმა იყო. გზა ფეხით გავაგრძელეთ. მივდივართ და სახლებს ვერ ვხედავთ. მწყემსი შეგვხვდა. ჩრდილში ისვენებდა. ვკითხეთ და აქეთ გვკითხა: ვინ ხართ, იმ სოფელში რა გინდათო?
სამშაბათი, 17 აგვისტო 2010 12:00
ყვარლის რაიონის სოფელ შილდაში 53 წლის მარინა აღნიაშვილი მეუღლესთან და 14 წლის შვილთან ერთად, ვენახის სარებით გაკეთებულ ქოხში ცხოვრობს.
ორშაბათი, 16 აგვისტო 2010 12:22
თელავის რაიონის სოფელ რუისპირის მოსახლეობა შველას ითხოვს. სოფლის მიმდებარე ტერიტორიაზე, მდინარე თურდოს ხეობაში, კომპანია „სერპანტინის“ ასფალტის ქარხანა და ქვის სამტვრევი საამქრო მუშაობს. რამდენიმე უბანი გამონაბოლქვში და მტვერშია გახვეული. სოფელში ასთმის და ალერგიული დაავადების გავრცელებას უჩივიან. რუისპირის მაცხოვრებლების თქმით, ასფალტის ქარხანა და ქვის სამტვრევი საამქრო გარემოს აბინძურებს, რაზედაც გარემოს დაცვის სამინისტროს და ადგილობრივ სამსახურებს არაერთხელ აცნობეს, მაგრამ უშედეგოდ.
პარასკევი, 13 აგვისტო 2010 14:41
გორანა საგარეჯოს მუნიციპალიტეტის სოფელია და კოჭბაანის თემში შედის. სოფელში ფშავები და ხევსურები ცხოვრობენ. ადგილობრივების თქმით, ბოლო 10 წლის განმავლობაში სოფელი მოსახლეობისგან დაიცალა. გორანაში ამ დროისთვის 60-მდე ადამიანი ცხოვრობს, ძირითადად მოხუცები.
ხუთშაბათი, 12 აგვისტო 2010 14:07
საქართველოში ერთადერთი ფსევდოვულკანური სამკურნალო ტალახის საბადო ახტალა გურჯაანში, ცივ გომბორის ქედის ჩრდილო - აღმოსავლეთ კალთის ძირში, ახტალის ქვაბულში მდებარეობს. ტალახი 250 მეტრი სიღრმიდან ამოდის.
ოთხშაბათი, 11 აგვისტო 2010 10:06
შეზღუდული შესაძლებლობების მქონე პირთა, ხანდაზმულთა და მზრუნველობამოკლებულ ბავშვთა მომსახურების სააგენტოს ბრძანებით, 25 აგვისტოდან საქართველოში მოქმედი ბევრი ბავშვთა სახლი მუშაობას წყვეტს.
გვერდი 1 / 4
არამიზნობრივი ხარჯვა
 ბაკურ კვეზერელი: „არცერთი კილოგრამი ყურძენი დასაბინავებელი არ დარჩება“ |
გარემოს დაცვის სამინისტროში მომხდარი ინციდენტის აუდიოჩანაწერი
| ||||||||||||||||||||||||||||||||||||||||||||||||
 |
 |
 |
ავტორის/ავტორების მიერ საინფორმაციო მასალაში გამოთქმული მოსაზრება არ გამოხატავს დონორების პოზიციას.
შესაბამისად, ფონდები არ არიან პასუხისმგებლები მასალის შინაარსზე.
