თელავის რეაბილიტაციის გეგმის პრეზენტაცია 23 იანვარს გაიმართება. ამის შესახებ კახეთის საინფორმაციო ცენტრს გუბერნატორის ადმინისტრაციაში განუცხადეს.

„ფეისბუქში“ კახეთის გუბერნატორის გიორგი ღვინიაშვილის გვერდზე გამოქვეყნდა ფოტოები, რომელიც ასახავს როგორი იქნება განახლებული თელავი.

თელავის მუნიციპალიტეტის გამგებლის პეტრე კიკნაძის თქმით, რეაბილიტაცია ჩოლოყაშვილის ქუჩიდან დაიწყება, რასაც მერაბ კოსტავას, ნადიკვრის, ანტონ კათალიკოსის ქუჩების, ლეონიძის ქუჩის ნაწილის, ერეკლე მეორეს გამზირის, ვახვახიშვილების გალავნისა და ჭავჭავაძის მოედნის რეაბილიტაცია მოჰყვება. გამგებლის თქმით, სრულად შეიცვლება და განახლდება საკომუნიკაციო სისტემები, რომელიც მიწის ქვეშ მოთავსდება, ასევე, მოხდება ყველა ობიექტის ფასადური შეკეთება.