ლაგოდეხში, „არქიმედეს“ კლინიკაში 19 იანვარს 10 ბავშვი დაიბადა. როგორც კახეთის საინფორმაციო ცენტრს კლინიკის ექიმმა დავით ბატიაშვილმა განუცხადა, ერთ დღეში ადგილობრივ სამშობიარო სახლში ამდენი ბავშვი დიდი ხანია არ დაბადებულა.

ექიმების თქმით, ათივე ახალშობილის ჯანმრთელობის მდგომარეობა დამაკმაყოფილებელია. გართულება არცერთ მშობიარობას არ მოჰყოლია. სამი ჩვილი კლინიკიდან უკვე გაწერეს.

კლინიკის ხელმძღვანელები შობადობის გაზრდას საქართველოს კათოლიკოს - პატრიარქის ინიციატივას უკავშირებენ. პატრიარქი ჯვარდაწერილ ოჯახებს მე-3 და მომდევნო შვილების მონათვლას სთავაზობს. ინიციატივის მიზანი შობადობის გაზრდაა.