ყვარლიდან 5 კილომეტრში, ე.წ. ვაზოვანის ტერიტორიაზე, დაახლოებით 20 ჰექტარზე ტყის მასივი იწვის. ხანძარი ტყეში 5 სექტემბერს 15:00 საათზე შენიშნეს. მთელი დღის განმავლობაში ხანძარსაწინააღმდეგო სამსახურის თანამშრომლები ცეცხლის ჩაქრობას უშედეგოდ ცდილობდნენ. როგორც კახეთის საინფორმაციო ცენტრის კორესპონდენტი იტყობინება ყვარლიდან, რაიონში საგანგებო შტაბი შეიქმნა, რომელიც ხანძრის გავრცელების შემთხვევაში მოსახლეობის ევაკუაციის გეგმაზე მუშაობს. ადგილზე კახეთის სამაშველო სამსახურის თანამშრომლები არიან მობილიზებულები.

ვრცლად

გარემოს დაცვის ინსპექციამ 21 აგვისტოდან - 2 სექტემბრის ჩათვლით, ტყის კანონმდებლობის დაცვის მდგომარეობის შესწავლის მიზნით, საგარეჯოს სატყეო უბანი შეამოწმა. შემოწმების შედეგად გამოვლინდა უკანონოდ მოჭრილი და დატაცებული სხვადასხვა ჯიშის 2066,03 მ3 ხე-ტყე. გარემოს დაცვის ინსპექციის ინფორმაციით, გარემოსათვის მიყენებულმა ზიანმა 155 000 ლარი შეადგინა.

ვრცლად

გაეროს განვითარების პროგრამის დახმარებით და ადგილობრივი ბიუჯეტიდან თანადაფინანსებით პანკისის ხეობაში მდინარეებზე და ხევებზე ნაპირსამაგრი სამუშაოები ჩატარდება.

ვრცლად

ყვარლის რაიონის სოფელ საცხენეში, მდინარე შოროხევზე ნაპირსამაგრი სამუშაოები უახლოეს დღეებში დაიწყება. ნაპირსამაგრი სამუშაოების ჩასატარებლად 95 000 ლარი გარემოს ეროვნულმა სააგენტომ გამოყო, თანადაფინანსება კი მუნიციპალური ბიუჯეტიდან მოხდება. ამის შესახებ კახეთის საინფორმაციო ცენტრს კახეთის გუბერნატორის პირველმა მოადგილემ გიორგი სიბაშვილმა განუცხადა.

ვრცლად

ყვარლის რაიონის სოფელ საცხენეს მოსახლეობა მდინარე შოროხევზე ნაპირსამაგრი სამუშაოების ჩატარებას ითხოვს. როგორც სოფლის მაცხოვრებლებმა კახეთის საინფორმაციო ცენტრს განუცხადეს, შემოდგომაზე მდინარეების ადიდების შემთხვევაში სოფელს წალეკვის საფრთხე ემუქრება.

ვრცლად

სტიქიური გეოლოგიური პროცესების მნიშვნელოვნად გააქტიურების საფრთხის გამო, კახეთში დაკვირვების ქვეშ იმყოფება 60 დასახლებული პუნქტი და 410 საცხოვრებელი სახლი. ამის შესახებ კახეთის საინფორმაციო ცენტრს გარემოს ეროვნული სააგენტოს გეოლოგიური საშიშროებისა და გეოლოგიური გარემოს მართვის დეპარტამენტის უფროსმა ემილ წერეთელმა განუცხადა.

ვრცლად

უხვი ატმოსფერული ნალექების მოსვლის პირობებში, კახეთში სტიქიური გეოლოგიური პროცესების მნიშვნელოვანი გააქტიურებაა მოსალოდნელი. საფრთხე რეგიონის 50-ზე მეტ სოფელს ემუქრება. ამ ინფორმაციას კავკასიის გარემოსდაცვითი არასამთავრობო ორგანიზაციების ქსელი (CENN) ავრცელებს.

ვრცლად

ოფიციალური სტატისტიკით, საბჭოთა საქართველოში ცხვრის მაქსიმალური რაოდენობა 1,8 მლნ სულამდე აღწევდა, მის გამოსაკვებად კი აზერბაიჯანის, დაღესტნისა და კასპიისპირა ზამთრის საძოვრები გამოიყენებოდა. ასოციაცია CENN -ის ინფორმაციით, დღევანდელი მონაცემები საბჭოთა პერიოდისას უთანაბრდება. მთელი ეს დატვირთვა საქართველოს სემიარიდულ ზონას ადგება და გადაძოვების მასშტაბი დასაშვებს ზოგჯერ 20 – 30-ჯერ აჭარბებს.

ვრცლად

საქართველოს ბარში უმოსავლო მიწების რაოდენობა 3 000-დან მალე შეიძლება 25 000 ჰექტრამდე გაიზარდოს. ამ ინფორმაციას კავკასიის გარემოსდაცვითი არასამთავრობო ორგანიზაციების ქსელი (ასოციაცია CENN) ქართველ ექსპერტებზე დაყრდნობით ავრცელებს.

ვრცლად

დედოფლისწყაროს რაიონის საზღვრისპირა სოფლებში, სამთაწყაროსა და ფიროსმანში მოსახლეობას სარწყავი წყლის პრობლემა აქვს, რის გამო ვენახები ხმება. ამ ინფორმაციას „ღია გარემოსდაცვითი სამოქალაქო ინიციატივა“ ავრცელებს.

ვრცლად

„ღია გარემოსდაცვითი სამოქალაქო ინიციატივა“ საქართველოს გარემოს დაცვისა და ბუნებრივი რესურსების სამინისტროს მოუწოდებს, სპეციალისტებმა სასწრაფოდ შეისწავლონ თელავის რაიონის სოფელ რუისპირში არსებული მდგომარეობა და გარემოს დაბინძურების ფაქტის დადასტურების შემთხვევაში შესაბამისი რეაგირება მოხდინონ.

ვრცლად

თელავის რაიონის სოფელ რუისპირის მოსახლეობა სოფლის ტერიტორიაზე მდებარე ასფალტის ქარხნის ადმინისტრაციას გარემოს დაბინძურებაში ადანაშაულებს. როგორც სოფლის მაცხოვრებლებმა კახეთის საინფორმაციო ცენტრს აცნობეს, დახმარებისთვის გარემოს დაცვის ინსპექციას, სამინისტროს და ადგილობრივ ხელისუფლებას არაერთხელ მიმართეს, თუმცა ყურადღება არავინ მიაქციათ.

ვრცლად

გლობალური დათბობის პროცესი კახეთში ყველაზე მეტად დედოფლისწყაროს რაიონს დააზარალებს. გარემოს დაცვისა და ბუნებრივი რესურსების სამინისტროს კლიმატის ცვლილების მოდელირების ჯგუფის უფროსის ნატო კუტალაძის განცხადებით, ჩატარებული კვლევების შედეგად დადგინდა, რომ საქართველოში საშუალო ტემპერატურა 2,5-3 გრადუსით გაიზრდება, რის შედეგადაც დედოფლისწყაროში დიდი გვალვებია მოსალოდნელი.

ვრცლად

მდინარე სალესავის წყალი ლაგოდეხის რაიონის სოფელ რაჭისუბნის მოსახლეობას საფრთხეს უქმნის. ამ ინფორმაციას კავკასიის გარემოსდაცვითი არასამთავრობო ორგანიზაციების ქსელი (CENN) ავრცელებს. ასოციაცის ინფორმაციით, რაჭისუბანში აჭარიდან ჩამოსახლებული ეკომიგრანტები ცხოვრობენ, რომელთა მდგომარეობა კახეთში გადასახლების შემდეგ უფრო გართულდა და კრიტიკულ ზღვარს მიაღწია.

ვრცლად

საქართველოს გარემოს დაცვისა და ბუნებრივი რესურსების სამინისტროს საერთაშორისო გრანტის არაეფექტურ ხარჯვაში ადანაშაულებენ. კახეთის რეგიონში ვადაგასული პესტიციდების რისკ - ფაქტორების შემცირების პროექტი ჰოლანდიის მთავრობამ დააფინანსა, ქართულმა მხარემ კი პროექტი ფაქტობრივად ჩააგდო.

ვრცლად

გარემოს დაცვისა და ბუნებრივი რესურსების მინისტრმა გოგა ხაჩიძემ ყვარლის რაიონის სოფელ ენისელში მდინარე ინწობზე დასრულებული ნაპირსამაგრი სამუშაოები დაათვალიერა.

ვრცლად

კავკასიის გარემოსდაცვითი არასამთავრობო ორგანიზაციების ქსელმა (CENN) რისკის ზონაში მყოფი მოსახლეობის მხარდასაჭერად „მწვანე გაზეთი“ გამოსცა. გაზეთში კახეთში ჩასახლებული ეკომიგრანტების პრობლემებზე, სტიქიის შედეგად რეგიონისთვის მიყენებულ ზარალზე და სოფელ ჭანდარში არსებულ საფრთხეზეა საუბარი.

ვრცლად

დაცული ტერიტორიების სააგენტოს ორგანიზებით, ბაწარა - ბაბანეურის ნაკრძალში ეკო-ბანაკი მოეწყო, რომელშიც 20 ქართველი და ოსი ბავშვი მიიღებს მონაწილეობას. ერთი კვირის განმავლობაში აღსაზრდელები ბანაკში დაისვენებენ, გაერთობიან და მოისმენენ სემინარებს.

ვრცლად

გარემოს დაცვის ინსპექციისა და სატყეო დეპარტამენტის უფროსებმა გარემოს დაცვის სამინისტროში საგანგებო ბრიფინგი გამართეს, რაზედაც კახეთის რეგიონში მიმდინარე კანონდარღვევებზე ისაუბრეს. გარემოს დაცვის სამინისტროს ინფორმაციით, თელავის ტერიტორიაზე გამოვლინდა მნიშვნელოვანი დანაკარგი, რის შედეგადაც გარემოზე მიყენებულმა ზიანმა 700 000 - მდე ლარი შეადგინა.

ვრცლად

სატყეო დეპარტამენტის მონიტორინგის სამსახურმა თელავის სატყეო უბნის მე-9 სარეინჯეროს შემოწმების შედეგად 2009-2010 წლის თბობის სეზონზე უკანონოდ მოჭრილი 1611 ძირი ხე-ტყე გამოავლინა, საერთო მოცულობით - 1793.43 მ3.

ვრცლად