5 ივნისს, მსოფლიო გარემოს დაცვის საერთაშორისო დღე აღინიშნება. ამ დღესთან დაკავშირებით, საქართველოს  გარემოს დაცვისა და ბუნებრივი რესურსების სამინისტროს ორგანიზებით, გარემოს დაცვითი აქცია „მრავალი სახეობა, ერთი პლანეტა, ერთი მომავალი“ გაიმართება.

გაეროს გენერალურმა ასამბლეამ 5 ივნისი გარემოს დაცვის დღედ 1972 წლის 15 დეკემბერს გამოაცხადა. ამ დღეს სტოკჰოლმში გაიხსნა გაეროს კონფერენცია, რომელიც მიეძღვნა ადამიანის საარსებო გარემოს პრობლემების განხილვას. გაერთიანებული ერების ორგანიზაციის ინიციატივით, „გაეროს გარემოსდაცვითი პროგრამა“ (UENP) ყოველი წლის 5 ივნისს გარემოსდაცვით ერთ-ერთ პრობლემას უძღვნის.