კახეთის საინფორმაციო ცენტრის მიერ „ღია გარემოსდაცვითი სამოქალაქო ინიციატივას“ ფარგლებში გავრცელებულ ინფორმაციას იმის შესახებ, რომ სტიქიამ ყვარლის მუნიციპალიტეტის სოფელი საცხენე შესაძლოა ალაზანში ჩაიტანოს, გარემოს დაცვის სამინისტროს ნაპირდაცვითი დეპარტამენტი გამოეხმაურა.

დეპარტამენტის უფროსი ტარიელ ბერიძე აცხადებს, რომ სოფელი საცხენე პირველია სიაში, სადაც გადაუდებელი სამუშაოებია ჩასატარებელი. ბერიძე დასძენს, რომ როგორც კი საკმარისი თანხა იქნება, სამუშაოები მაშინვე დაიწყება.

„სოფელი საცხენე პირველია უკვე სიაში და უნდა გადავწყვიტოთ, როდის დაიწყება ამ სოფელში ნაპირსამაგრი სამუშაოები. თანხა არ არის საკმარისი და ველოდებით, რომ გადმოგვირიცხავენ. საცხენე წითელ ზონაში შევიტანეთ. აღნიშნულ ტერიტორიაზე სამუშაოები რაც შეიძლება მალე უნდა ჩატარდეს“, - განაცხადა ბერიძემ.