საქართველო კიდევ ერთ რეიტინგში ლიდერობს. იმ ქვეყნებს შორის, სადაც შემოდგომაზე ყველაზე კომფორტულად შეიძლება დასვენება, საქართველო საუკეთესოთა ხუთეულშია. კვლევის შედეგებს უკრაინული გაზეთი „უკრაინსკაია პრავდა“ აქვეყნებს.

რეიტინგში საქართველოს თურქეთი, იტალია, ესპანეთი და პორტუგალია უსწრებენ.

როგორც საქართველოს ტურიზმის ასოციაციის თავმჯდომარე ნატა კვაჭანტირაძე აცხადებს, საშემოდგომო სეზონზე უცხოელებს საქართველოში აგრო და სათავგადასავლო ტურები იზიდავთ. მისი თქმით, სექტემბერში მოთხოვნა ისევ ზღვის და მთის კურორტებზეა, თუმცა პარალელურად იწყება ღვინის ტურებიც.

„შემოდგომაზე მოთხოვნის 70% კახეთზე მოდის, სადაც ტურისტები რთველით და ღვინის დაწურვის პროცესით ინტერესდებიან. ასევე აქტუალური ხდება სამცხე - ჯავახეთის და დასავლეთ საქართველოს ისტორიული ძეგლები“, - აღნიშნავს კვაჭანტირაძე.