გუბერნატორებს სოფლის მეურნეობის განვითარების ხელშეწყობა დაევალათ გუბერნატორებს, კომპეტენციის ფარგლებში, სოფლის მეურნეობის განვითარების ხელშეწყობა დაევალათ .

ამასთან დაკავშირებით, „სახელმწიფო რწმუნებულის - გუბერნატორის დებულების დამტკიცების შესახებ“ პრეზიდენტის ბრძანებულებაში, პრეზიდენტის ბრძანებითვე ცვლილება შევიდა. ახალი რეგულაციებით, სახელმწიფო რწმუნებულის – გუბერნატორის ამოცანებსა და ფუნქციებში, კომპეტენციის ფარგლებში სოფლის მეურნეობის განვითარების ხელშეწყობაც შევიდა.

ამასთან, რწმუნებულების ადმინისტრაციებში გაჩნდება ახალი სტრუქტურა - სოფლის მეურნეობის განვითარების სამსახური.

აღნიშნული სამსახურის ძირითადი ამოცანები და ფუნქციებია: შესაბამის ინსტიტუტებთან და სპეციალისტებთან ერთად სასოფლო-სამეურნეო კულტურების წარმოების ტექნოლოგიების შესახებ ინფორმაციის მომზადება და დაინტერესებული პირებისათვის მიწოდება; საქართველოს მთავრობისა და საერთაშორისო ორგანიზაციების მიერ დაგეგმილი სოფლის მეურნეობის განვითარების პროექტების განხორციელების ხელშეწყობა; საინვესტიციო პროექტების განხორციელების ხელშეწყობა და დაინტერესებული პირებისათვის შესაბამისი ინფორმაციის მიწოდება; სასურსათო პროდუქტების გადამამუშავებელი და შესანახი ინფრასტრუქტურის, სასოფლო-სამეურნეო მანქანა-დანადგარების, მომსახურების ცენტრების და სასოფლო-სამეურნეო დანიშნულების მიწების შესახებ შესაბამისი ინფორმაციის კონსოლიდაცია და დაინტერესებული უწყებებისათვის/პირებისათვის მიწოდება; კომპეტენციის ფარგლებში საქართველოს მთავრობისა და საერთაშორისო ორგანიზაციების მიერ მელიორაციის სფეროში დაგეგმილი პროექტების ხელშეწყობა.