16 ივნისს, 11:00 საათზე, იაკობ გოგებაშვილის სახელობის თელავის სახელმწიფო უნივერსიტეტში რეგიონული აკადემიური სამიტი გაიხსნება. როგორც კახეთის საინფორმაციო ცენტრს უნივერსიტეტიდან აცნობეს, სამიტი უმაღლესი განათლების სფეროში მიმდინარე რეფორმის აქტუალური საკითხების განხილვას ეძღვნება.

სამიტები განათლების აკრედიტაციის ცენტრისა და საქართველოს განათლებისა და მეცნიერების სამინისტროს პროექტის ფარგლებში საქართველოს სხვადასხვა უმაღლეს საგანამანათლებლო დაწესებულებებში ტარდება. სამიტებში ქართველი და უცხოელი ექსპერტები მონაწილეობენ.