სექტემბერში 4000 პირველ კლასელს კომპიუტერები დაურიგდებათ. განათლებისა და მეცნიერების მინისტრის დიმიტრი შაშკინის განცხადებით, პრეზიდენტის განკარგულების შესაბამისად, სექტემბრიდან პირველ კლასელებისთვის კომპიუტერების გადაცემა იწყება.

“პირველ ეტაპზე მოსწავლეებს 4000 კომპიტერი გადაეცემათ. ეტაპობრივად ჩვენ ყველა პირველ კლასელს დავურიგებთ „ნეთსბუქს“. ამასთან, 1 ივლისიდან ამოქმედდება სპეციალური პორტალი ბოოკ.გე, რომელიც სპეციალურად მოსწავლეებისთვის შეიქმნა და შემეცნებით – გასართობი პორტალია“, - განაცხადა შაშკინმა.

მისივე თქმით, ახალი სასწავლო წლიდან სოციალურად დაუცველ მოსწავლეებს (ნებისმიერ კლასში) სახლმწიფო სასკოლო სახელმძღვანელოებს საჩუქრად გადასცემს.