2010 წლის ერთიან ეროვნულ გამოცდებში მონაწილე აბიტურიენტების, საგრანტო მდგომარეობის გამოსწორების მსურველი სტუდენტებისა და მაგისტრანტობის კანდიდატების აპელაციის შედეგები გამოცდების ეროვნული ცენტრის ვებგვერდზე www.naec.ge 25 აგვისტოს გამოქვეყნდება.

გამოცდების ეროვნული ცენტრის ცნობით, დაახლოებით 2 000 - მდე საგამოცდო ნამუშევრის შედეგი გასაჩივრდა. ყველაზე მეტი საპრეტენზიო განცხადება ქართული ენისა და ლიტერატურის ტესტირების შედეგების გასაპროტესტებლად დაიწერა.

25 აგვისტოსვე გამოქვეყნდება პირველადი ჩარიცხვების შედეგები.

ერთიანი ეროვნული გამოცდები წელს 1-დან 23 ივლისამდე მიმდინარეობდა.