ერთიანი ეროვნული გამოცდების პირველადი ჩარიცხვების შედეგები და ვაკანტური ადგილების ჩამონათვალი 25 აგვისტოს გამოქვეყნდება. ინფორმაცია გამოცდების ეროვნული ცენტრის ოფიციალურ ვებგვერდზე www.naec.ge და ,,კვირის პალიტრის“ სპეციალურ გამოშვებაში განთავსდება.

ინფორმაცია სახელმწიფო დაფინანსების მოპოვების შესახებ გამოქვეყნდება მეორადი ჩარიცხვების დასრულების შემდეგ (საბოლოო შედეგების გამოქვეყნებისას).

ვაკანტურ ადგილებზე მეორადი განაცხადების მიღება იწარმოებს 26 აგვისტოდან 30 აგვისტოს ჩათვლით. განაცხადები მიიღება თბილისში - კოსტავას 77 (ტექნიკური უნივერსიტეტის მე–6 კორპუსი); რაიონებში - საგანმანათლებლო რესურსცენტრებში.