გამოცდების ეროვნულ ცენტრში პედაგოგთა სააპელაციო განაცხადების მიღება 1 - ელ სექტემბერს დასრულდება. საპრეტენზიო განაცხადებით მასწავლებლებმა რაიონებში საგანმანათლებლო რესურსცენტრებს უნდა მიმართონ.

გამოცდების ეროვნული ცენტრის ინფორმაციით, ერთი გამოცდის შედეგის გასაჩივრების საფასური 30 ლარია. აპელაციის თანხის გადახდა „ბაზისბანკისა“ და „ლიბერთი ბანკის“ ნებისმიერ ფილიალშია შესაძლებელი. საპრეტენზიო განაცხადის შევსება სხვა პირსაც შეუძლია, თუ ის წარმომადგენლობის დამადასტურებელ ოფიციალურად დამოწმებულ დოკუმენტს წარადგენს.

მასწავლებელთა სასერტიფიკაციო გამოცდები 13-23 ივლისს პროფესიულ უნარებში, ქართულ ენასა და ლიტერატურაში, მათემატიკასა და უცხოურ ენებში  ჩატარდა. გამოცდებში 15 000-მდე პედაგოგი მონაწილეობდა. პედაგოგთა სასერტიფიკაციო გამოცდები საქართველოში პირველად ჩატარდა.

გამოცდების ეროვნულმა ცენტრმა სააპელაციო განაცხადების მიღება  26 აგვისტოდან დაიწყო.