უმაღლეს სასწავლებლებში სახელმწიფო დაფინანსებით ჩარიცხული სტუდენტების სია 10 სექტემბრამდე გამოქვეყნდება. აღსანიშნავია, რომ წინა წლებისგან განსხვავებით, წელს დაფინანსება ოთხი გამოცდის შედეგების მიხედვით გაიცემა.

2010 წლის ერთიანი ეროვნული გამოცდები 1 ივლისს დაიწყო და 23 ივლისს დასრულდა. ეროვნული გამოცდებისთვის 36 500 აბიტურიენტი დარეგისტრირდა. მათგან 27 624 სტუდენტი გახდა, აქედან 25 054 - ბაკალავრიატის, 2 570 კი - უმაღლესი პროფესიული პროგრამების. ჩარიცხული სტუდენტებიდან სახელმწიფო გრანტს 9 000 სტუდენტი მიიღებს.