პარასკევი, 30 დეკემბერი 2011 16:40
2012 წელს სიღნაღის რაიონის სოფელ ერისიმედში, რომელიც საქართველო - აზერბაიჯანის საზღვართან მდებარეობს, ახალი სკოლა აშენდება. ამის შესახებ კახეთის საინფორმაციო ცენტრს რეგიონის გუბერნატორის პირველმა მოადგილემ გიორგი სიბაშვილმა განუცხადა.
ერისიმედის სკოლის შენობა ძალიან ცუდ მდგომარეობაშია. კედლები დახეთქილია და შესაძლოა, ნებისმიერ დროს ჩამოინგრეს. იატაკი იმდენად დაზიანებულია, რომ ბავშვები სარდაფში არაერთხელ ჩავარდნენ.
ამასთან, აზერბაიჯანული მხარის მტკიცებით, ერისიმედის სკოლა, ამბულატორია და დაახლოებით 30 საცხოვრებელი სახლი მათ ტერიტორიაზეა. ამის გამო, სადაო ტერიტორიაზე მაცხოვრებლებმა სახლებიც ვერ დაიკანონეს. სკოლის საპირფარეშო მავთულხლართიდან რამდენიმე მეტრშია.
სოფელი ერისიმედი სიღნაღიდან 65 კილომეტრით არის დაშორებული. სოფელი 1989 წელს დაარსდა და იქ აჭარიდან ჩასახლებული ეკომიგრანტები ცხოვრობენ. გაუსაძლისი პირობების გამო რამდენიმე ოჯახი დამეწყრილ ხულოს რაიონში უკან დაბრუნდა.
ვიდეო
ამოგახევ მაგ თვალებს - ზეწოლა ჟურნალისტებზე
ფოტო რეპორტაჟი
 ფოტოკოლაჟი დავით გარეჯის უდაბნოს მონასტრიდან |
გამოკითხვა
| ||||||||||||||||||||||||||||||||||||||||
ავტორიზაცია
საიტის მხარდამჭერები
 |
 |