გამოცდების ეროვნულმა ცენტრმა ეროვნული სასწავლო ოლიმპიადის მეორე ტურის განრიგისა და მაქსიმალური ქულების შესახებ ინფორმაცია გამოაქვეყნა. მეორე ტურის გამარჯვებულად ითვლება ის მონაწილე, რომელიც დააგროვებს შესაბამისი საგნის მაქსიმალური ქულის 50%-ზე მეტს და მოხვდება რეიტინგული სიის პირველ ასეულში.

გამოცდების ეროვნული ცენტრის ინფორმაციით, 2011-2012 სასწავლო წლის ეროვნული სასწავლო ოლიმპიადის მეორე ტურის განრიგი ასეთია: 15 იანვარი, I სესია - ქართული ენა; ქართული ენა და ლიტერატურა; II სესია - გეოგრაფია; 16 იანვარი, I სესია - მათემატიკა; II სესია - ისტორია; 17 იანვარი, I სესია - ინგლისური ენა; II სესია - რუსული ენა; III სესია - ფრანგული და გერმანული ენები; 18 იანვარი, I სესია - ქიმია; II სესია - ბიოლოგია; 21 იანვარი, I სესია - ფიზიკა.

2011-2012 სასწავლო წლის ეროვნული სასწავლო ოლიმპიადის მეორე ტურზე თითოეული საგნის მაქსიმალური ქულა ასე განისაზღვრა: ქართული ენა და ლიტერატურა - 40 ქულა; ქართული ენა არაქართულენოვანი ზოგადსაგანმანათლებლო დაწესებულების მოსწავლეებისთვის - 40 ქულა; უცხო ენა - 60 ქულა; მათემატიკა - 25 ქულა; გეოგრაფია 50 ქულა; ისტორია - 50 ქულა; ბიოლოგია - 25 ქულა; ქიმია - 25 ქულა, ხოლო ფიზიკა - 25 ქულით განისაზღვრა.

ცენტრის ცნობით, რეგისტრაციის დაწყების დრო მითითებული იქნება მოსაწვევზე, რომელსაც მოსწავლე სკოლაში მიიღებს. ინფორმატიკაში ოლიმპიადის მეორე ტურის ჩატარების თარიღი მოგვიანებით გამოქვეყნდება.