საერთაშორისო ორგანიზაცია „რეპორტიორები საზღვრებს გარეშე“ მონაცემებით, 2011 წელს მსოფლიოში 66 ჟურნალისტი მოკლეს, 171 კი დააპატიმრეს.

ორგანიზაციის ინფორმაციით, ყველაზე მეტი – 10 ჟურნალისტი პაკისტანში მოკლეს, 7 ჟურნალისტი  - ერაყში, 5 - ლიბიაში, 5- მექსიკაში, 4 – სომალიში. იმ ქვეყნების ჩამონათვალში, სადაც ჟურნალისტების მკვლელობები ხდებოდა, 28 ქვეყანა მოხვდა, მათ შორის  - რუსეთი და აზერბაიჯანი.

გარდა ჟურნალისტებისა, გასულ წელს ადგილი ჰქონდა მედიასაშუალებების 2 თანამშრომლის მკვლელობასაც.

2011 წელს დაპატიმრებული 171 ჟურნალისტიდან ყველაზე მეტი – 34 ერითრიაში დააკავეს. 30 ჟურნალისტი დააპატიმრეს ჩინეთში, 26 – ირანში, 25 - ბირმაში, 10 კი უზბეკეთში. ჟურნალისტების დაპატიმრებას სულ 28 ქვეყანაში ჰქონდა ადგილი.