2011 წელს, ნოემბრის თვის ჩათვლით, თელავის რაიონულმა სასამართლომ 541 სისხლის სამართლის საქმე განიხილა. როგორც სასამართლოდან კახეთის საინფორმაციო ცენტრს აცნობეს, 487 საქმეზე საპროცესო შეთანხმება გაფორმდა.

„ნაწილობრივ გამამართლებელი განაჩენი დადგინდა ორი პირის ემზარ ხვთისიაშვილის და იოსებ რიბაკოვის მიმართ, გამამართლებელი განაჩენი არ დამდგარა“, - აღნიშნეს სასამართლოში.

შეგახსენებთ, რომ 2011 წელს გურჯაანის სასამართლომ 38 საქმიდან საპროცესო შეთანხმება 37 საქმეზე დაამტკიცა, გამამართლებელი ან ნაწილობრივ გამამართლებელი განაჩენი არ დამდგარა.

ლაგოდეხის სასამართლომ 2011 წელს 70 საქმიდან 65 საქმეზე საპროცესო შეთანხმება დაამტკიცა. გამამართლებელი ან ნაწილობრივ გამამართლებელი განაჩენი არ დამდგარა.