სამშაბათი, 31 აგვისტო 2010 13:44
კახეთში რთველი დაიწყო. საფერავის ჯიშის ყურძენს ღვინის კომპანია „გრუზ ვინ პრომი“, რომელიც სახელმწიფო საწარმოა, წნორის ღვინის ქარხანაში 40 თეთრად იბარებს. როგორც კახეთის საინფორმაციო ცენტრს კომპანიის მთავარმა ბუღალტერმა გელა ბეზარაშვილმა განუცხადა, კომპანია რქაწითელის ჯიშის ყურძენსაც მიიღებს, 1 კგ-ს 30 თეთრად.
ორშაბათი, 30 აგვისტო 2010 15:01
რთველთან დაკავშირებით კახეთში პოლიციის თანამშრომლები მუშაობის საგანგებო რეჟიმზე გადაიყვანეს. სამართალდამცავებს სოფლებში პატრულირების გაძლიერება და ღვინის ქარხნებთან 24 საათიანი მორიგეობა დაევალათ.
ორშაბათი, 30 აგვისტო 2010 14:51
საქართველო უფლებადამცველი ორგანიზაციების კრიტიკის ქარცეცხლში მოექცა ომის დროს იძულებით გადაადგილებული ასობით ადამიანის სახელმწიფო შენობებიდან ძალით გამოსახლების გამო. სახელმწიფოს ამ შენობების გაყიდვის იმედი აქვს.
ოთხშაბათი, 25 აგვისტო 2010 15:25
საქართველოს მთავრობის განკარგულებით, რთველის სუბსიდირებისათვის მთავრობის სარეზერვო ფონდიდან 6,1 მილიონი ლარი გამოიყო. ამის შესახებ კახეთის საინფორმაციო ცენტრს რთველი - 2010 საკოორდინაციო შტაბის ხელმძღვანელმა ტარიელ გაბუნიამ განუცხადა.
ოთხშაბათი, 25 აგვისტო 2010 09:01
განათლებისა და მეცნიერების მინისტრის დიმიტრი შაშკინის ბრძანებით, კახეთის რეგიონში 6 სკოლა გაუქმდა. აქედან სიღნაღის მუნიციპალიტეტის სოფელ ზემო ბოდბის საჯარო სკოლა - პანსიონი, სადაც მზრუნველობამოკლებული ბავშვები სწავლობდნენ, დღეიდან ლიკვიდირებულია.
ორშაბათი, 23 აგვისტო 2010 12:20
საქართველოს განათლებისა და მეცნიერების მინისტრმა დიმიტრი შაშკინმა 2010 - 2011 სასწავლო წლის დაწყებასთან დაკავშირებით ბრიფინგი გამართა. ბრიფინგზე მინისტრმა სასწავლო პროცესის დაწყებაზე, დასრულებასა და არდადეგებზე ისაუბრა.
ხუთშაბათი, 19 აგვისტო 2010 13:40
კახეთის რეგიონში 85 584 ტონა ყურძნის მოსავალს ელიან. როგორც კახეთის საინფორმაციო ცენტრს რეგიონის გუბერნატორის პირველმა მოადგილემ გიორგი სიბაშვილმა განუცხადა, აქედან 58 419 ტონა რქაწითელია, 22 831 ტონა საფერავი და 4 335 ტონა ჰიბრიდული ჯიშის ყურძენი.
ოთხშაბათი, 18 აგვისტო 2010 10:34
საქართველოს ახალგაზრდა იურისტთა ასოციაციამ საკონსტიტუციო ცვლილებებთან დაკავშირებით საკუთარი დასკვნა წარმოადგინა. ახალგაზრდა იურისტთა ასოციაცია მიიჩნევს, რომ ანგარიშვალდებულების შესაბამისი მექანიზმების არარსებობის პირობებში მთავრობის ფუნქციები მნიშვნელოვნად იზრდება.
სამშაბათი, 17 აგვისტო 2010 15:29
კახეთის საინფორმაციო ცენტრის მიერ მოპოვებული წინასწარი ინფორმაციით, წელს 1 კგ საფერავის ჯიშის ყურძნის ჩასაბარებელი ფასი 60 თეთრი იქნება, რქაწითელის 40 თეთრი. აქედან, რქაწითელში 25 თეთრს საწარმო გადაიხდის, 15 თეთრი სუბსიდირების ფარგლებში ანაზღაურდება. საფერავში კი სუბსიდიიდან 20 თეთრი ანაზღაურდება, 40 თეთრს საწარმო გადაიხდის.
სამშაბათი, 17 აგვისტო 2010 13:48
სიღნაღის მუნიციპალიტეტის გამგებელს ნოდარ კოჭლამაზაშვილს 3 პრესმდივანი ჰყავს. მედიასა და საზოგადოებასთან ურთიერთობის სამსახურის უფროსად გაზეთ „სპექტრის“ ყოფილი კორესპონდენტი ეკა გულიაშვილი მუშაობს, რომლის ყოველთვიური ანაზღაურებაც 700 ლარია.
ორშაბათი, 16 აგვისტო 2010 14:35
სამხედრო სავალდებულო სამსახურში საშემოდგომო გაწვევა დაიწყო. გაწვევის პროცესს კოორდინაციას საქართველოს რეგიონული განვითარებისა და ინფრასტრუქტურის სამინისტრო უწევს.
პარასკევი, 13 აგვისტო 2010 16:01
საქართველოს ადვოკატთა ასოციაცია მთავარ პროკურატურას მოუწოდებს, მიმდინარე წლის 15 სექტემბრამდე ასოციაციის სახელით გაგზავნილ ყველა საჩივარზე დროული რეაგირება მოახდინოს. წინაღმდეგ შემთხვევაში, ასოციაციის თავმჯდომარის ზაზა ხატიაშვილის განცხადებით, ადვოკატთა კორპუსი რადიკალურ ზომებს მიმართავს.
სამშაბათი, 10 აგვისტო 2010 15:25
საქართველოს პრემიერ - მინისტრი ნიკა გილაური მოსახლეობას სიფრთხილისკენ მოუწოდებს და აცხადებს, რომ ტყეში ხანძრის შეგნებულად გაჩენა საქართველოს კანონმდებლობით ისჯება.
პარასკევი, 06 აგვისტო 2010 16:38
კახეთის გუბერნატორმა გიორგი ღვინიაშვილმა მთა-თუშეთის მოსახლეობას უაზის ტიპის ავტომანქანა გადასცა. როგორც კახეთის საინფორმაციო ცენტრს გუბერნატორის ადმინისტრაციაში განუცხადეს, მანქანა თუშეთის სოფლების მოსახლეობის ტრანსპორტირებას მოემსახურება.
პარასკევი, 06 აგვისტო 2010 16:35
რუსეთ - საქართველოს ომში დასახიჩრებული ჯარისკაცი 23 წლის ნიკა ამირაჯიბი მკურნალობას ვერ ახერხებს. ომის შემდეგ ექიმებმა მას თავის ტვინის შერყევის, ქალა - ტვინის დახურული ტრავმის და კონტუზიის დიაგნოზი დაუსვეს. დაზარალებულს ორი თვის განმავლობაში მეტყველება საერთოდ დაკარგული ჰქონდა. უძილობა, უნებლიე მოძრაობები და პრობლემები ახლაც აქვს, მაგრამ უსახსრობის გამო სამედიცინო მომსახურებას ვერ იღებს.
პარასკევი, 06 აგვისტო 2010 14:21
ფიჭური კავშირგაბმულობის კომპანია „მაგთი“ 23 აგვისტოდან აბონენტებს ახალ ტარიფებს სთავაზობს. მაგთიდან მაგთის, ბალის, ბანისა და მაგთი ფიქსის აბონენტებთან საუბრის ღირებულება წუთში 5 თეთრად იქნება შესაძლებელი.
ოთხშაბათი, 04 აგვისტო 2010 12:13
კახეთში პურსაცხობებსა და სასურსათო მაღაზიებში პური 10 თეთრით გაძვირდა და 50 თეთრის ნაცვლად 60 თეთრი ღირს. როგორც პურსაცხობების მეპატრონეებმა კახეთის საინფორმაციო ცენტრს განუცხადეს, იმ შემთხვევაში თუ პურის ფქვილზე ფასი კიდევ გაიზარდა, პურის ღირებულებაც გაიზრდება.
ორშაბათი, 02 აგვისტო 2010 12:39
გურჯაანის მუნიციპალიტეტის სოფელ ყიტაანში მცხოვრები ხუთი შვილის დედა ევა ნოზაძე დახმარებას ითხოვს. როგორც მრავალშვილიანმა დედამ კახეთის საინფორმაციო ცენტრს განუცხადა, 5 წლის წინ მას საცხოვრებელი სახლი დაეწვა. მას შემდეგ რაიონის გამგეობას ერთი ოთახის შეკეთების თხოვნით არაერთხელ მიმართა, თუმცა უშედეგოდ.
ორშაბათი, 02 აგვისტო 2010 11:56
თელავის სასურსათო მაღაზიებში პურის დეფიციტია. დღეს დილიდან ადგილობრივები პურის შეძენას ვერ ახერხებენ. როგორც კახეთის საინფორმაციო ცენტრის კორესპონდენტი იტყობინება თელავიდან, თონეები დაკეტილია და არ მუშაობს. საკოლმეურნეო ბაზრის მიმდებარე ტერიტორიაზე მხოლოდ შოთი პური იყიდება.
სამშაბათი, 27 ივლისი 2010 16:25
საქართველოში აშშ-ს ელჩი ჯონ ბასი ლაგოდეხში მომავალ მეუღლესთან ერთად იმყოფებოდა. ელჩი შიდა ქართლიდან დევნილ ბავშვებს შეხვდა და სხვადასხვა ღონისძიებებში მიიღო მონაწილეობა.
გვერდი 1 / 9
გაბრელაშვილების ოჯახი დახმარების მოლოდინში
 ხევისჭალა - 20 წელი ელექტროენერგიის გარეშე |
გარემოს დაცვის სამინისტროში მომხდარი ინციდენტის აუდიოჩანაწერი
| ||||||||||||||||||||||||||||||||||||||||||||||||||||||||
 |
 |
 |
ავტორის/ავტორების მიერ საინფორმაციო მასალაში გამოთქმული მოსაზრება არ გამოხატავს დონორების პოზიციას.
შესაბამისად, ფონდები არ არიან პასუხისმგებლები მასალის შინაარსზე.
