საახალწლო ღონისძიებებზე კახეთში 141 700 ლარი დაიხარჯება. თანხა ადგილობრივი ბიუჯეტებიდან გამოიყოფა. ამის შესახებ კახეთის საინფორმაციო ცენტრს მუნიციპალიტეტების გამგეობებში განუცხადეს.

გურჯაანის რაიონში საახალწლო ღონისძიებებზე და სადღესასწაულო განათების დასამონტაჟებლად 9 ათასი ლარია გამოყოფილი; ახმეტაში - 5800 ლარი; ყვარელში - 20 900 ლარი; ლაგოდეხში - 21 500 ლარი; თელავში - 40 000 ლარი; საგარეჯოში - 20 000 ლარი; სიღნაღში - 12 000 ლარი, დედოფლისწყაროში კი 12 500 ლარი.

შეგახსენებთ რომ 2010 წელს კახეთში საახალწლო ღონისძიებებზე 75 ათასი ლარი დაიხარჯა.