„ერთიანმა ნაციონალურმა მოძრაობამ“ ამერიკული ორგანიზაცია Greenberg Quinlan Rosner Research-ის კვლევის შედეგები გამოაქვეყნა. გამოკითხვის მიხედვით, რესპონდენტთა 65% მხარს ნაციონალურ მოძრაობას უჭერს.

კითხვაზე, ხვალ რომ საპარლამენტო არჩევნები ტარდებოდეს, რომელ პარტიას მისცემდით ხმას? იმ ამორჩეველებში, ვისაც არჩევნებში მონაწილეობის მიღება გადაწყვეტილი აქვს, პასუხები ასე გადანაწილდა - „ნაციონალური მოძრაობა“ – 65%, „ქართული ოცნება“ – 25%, „ქრისტიან-დემოკრატიული მოძრაობა“ – 4%, „ლეიბორისტები“ – 1%, „ჩვენი საქართველო-თავისუფალი დემოკრატები-ალასანია“ – 1%, „რესპუბლიკელები“ – 1%, „ეროვნული ფორუმი“, „კონსერვატორები“, „სახალხო პარტია“, „მრეწველები“ და „დემოკრატიული მოძრაობა“ – 0%.

ასევე, კითხვაზე „დღეს რომ ტარდებოდეს საპარლამენტო არჩევნები, როგორია თქვენი მასში მონაწილეობის ალბათობა“? გამოკითხულთა 79%-ის პასუხია - „თითქმის დარწმუნებული ვარ, რომ მივიღებ“, 11%-ის პასუხი – „50/50-ზე“, 10%-ის პასუხი - „ალბათ არ მივიღებ.“

კომპანია Greenberg Quinlan Rosner Research-მა თბილისსა და საქართველოს რეგიონებში კვლევა „ერთიანი ნაციონალური მოძრაობის“ დაკვეთით 2012 წლის იანვარში ჩაატარა. კვლევის ფარგლებში 1200 ადამიანი გამოიკითხა.

იხილეთ კვლევა