ბიძინა ივანიშვილის საზოგადოებრივი მოძრაობა „ქართული ოცნების“ პრესსამდივნოში განმარტეს, რომ კახეთში დაკავებული ჟურნალისტის სოფო ნიკოლაშვილის მამა დავით ნიკოლაშვილი, საინიციატივო ჯგუფის ხელმძღვანელი არ არის და მათი მხარდამჭერია.

„ჩვენ რეგიონებში ოფისები ჯერ არ გვაქვს. დავით ნიკოლაშვილი ნამდვილად არის „ქართული ოცნების“ რეგისტრირებული მხარდამჭერი. ის აქ იყო ჩამოსული და გვითხრა, რომ რითაც შეუძლია, ყველაფრით დაგვეხმარება. გურჯაანში საინიციატივო ჯგუფი ჯერ არ არის“, - განუცხადა კახეთის საინფორმაციო ცენტრს ბიძინა ივანიშვილის პრესსამდივნოს წარმომადგენელმა ანა გოჩაშვილმა.