დღეს, სათემო კავშირი „ნუკრიანი“, სიღნაღის რაიონის სოფელ ნუკრიანის საჯარო სკოლაში, 9 წლის თენგოს დასახმარებლად, რომელიც ლეიკემიით არის დაავადებული, საქველმოქმედო აქციას აწყობს. აქციის ფარგლებში ხელოვნების ნიმუშების გამოფენა - გაყიდვა გაიმართება, შემოსული თანხა კი თენგოს ოჯახს გადაეცემა.

აქციის ორგანიზატორების  ცნობით, ექიმებმა თენგოს ლეიკემიის დიაგნოზი ერთი თვის წინ დაუსვეს. ბავშვი ლეიკემიის სახელმწიფო პროგრამით სარგებლობს, თუმცა მის ოჯახს ფინანსური დახმარება სჭირდება ისეთი ხარჯებისთვის როგორიცაა, სრულფასოვანი კვება, მედიკამენტები და ტრანსპორტირება. თენგოს მამა არ ჰყავს.