11 ივნისიდან სიღნაღის  მუნიციპალიტეტის  გამგეობა და  საკრებულო საკუთარ  ინფორმაციებს  ვებგვერდზე  განათავსებენ. პორტალი www.signagi.com.ge კახეთის გუბერნატორის ადმინისტრაციის და სიღნაღის მუნიციპალიტეტის თვითმმართველობის ინიციატივით შეიქმნა.

საიტის შინაარსობრივ მხარეზე გამგეობის მედიასთან და საზოგადოებასთან ურთიერთობის სამსახურმა იმუშავა, ხოლო პროგრამული უზრუნველყოფა და დიზაინი კომპიუტერულ ფირმა STS-ს ეკუთვნის.

ვებგვერდის  პრეზენტაცია 11 ივნისს, 12:00 საათზე გაიმართება. ღონისძიებაზე მიწვეულები არიან ჟურნალისტები, არასამთავრობო ორგანიზაციების წარმომადგენლები და დაინტერესებული პირები.