დედოფლისწყაროს მუნიციპალიტეტის სოფელ ქვემო ქედში მცხოვრები 70 წლის ღვთისო ლოსეურაშვილი გიურზამ დაკბინა. ამ დროისთვის პაციენტი რაიონულ საავადმყოფოშია მოთავსებული. ექიმების განცხადებით, მისი ჯანმრთელობის მდგომარეობა სტაბილურია.

დედოფლისწყაროს საავადმყოფოს მთავარი ექიმის ვანო ნატროშვილის განცხადებით, პაციენტი სტაციონარში სასწრაფო დახმარების ბრიგადამ შეიყვანა. მისი თქმით, ლოსეურაშვილი გველმა მინდორში დაკბინა.

შეგახსენებთ, რომ გასულ წელს გიურზამ სოფელ სამთაწყაროში ნარგიზ ხოზრევანიძე დაკბინა, რომელიც მკურნალობის დაგვიანების გამო გარდაიცვალა.