მუნიციპალური განვითარების ფონდი წელს კახეთის რეგიონში 12 პროექტს განახორციელებს. პროექტების საერთო ღირებულება 16 მილიონამდე ლარს შეადგენს. პროექტები რეგიონში მუნიციპალური გზების, სასმელი წყლის და კანალიზაციის სისტემების რეაბილიტაციას ითვალისწინებს.

როგორც კახეთის საინფორმაციო ცენტრს მუნიციპალური განვითარების ფონდიდან აცნობეს,  წელს დასრულდა სიღნაღის რაიონის სოფელ ჯუგაანის სკოლის მშენებლობა, რომლისთვისაც 4 მლნ-მდე ლარი იყო გამოყოფილი და წელსვე უნდა დასრულდეს ყვარლის რაიონის სოფელ გავაზის საჯარო სკოლის მშენებლობა, რაზედაც 3 200 000 ლარი დაიხარჯება.