20 ივნისს ლტოლვილთა მსოფლიო დღე აღინიშნება. პანკისის ხეობაში მცხოვრებ ჩეჩნეთიდან ლტოლვილებს ლტოლვილთა და განსახლების მინისტრი კობა სუბელიანი, კახეთის გუბერნატორის პირველი მოადგილე გიორგი სიბაშვილი და გაეროს ლტოლვილთა უმაღლესი კომისარიატის წარმომადგენელი პიტერ ნიკოლაუსი შეხვდებიან.

ლტოლვილთა დღის აღსანიშნავად, პანკისის ხეობის სოფელ დუისში, 13:00 საათიდან სხვადასხვა ღონისძიებები გაიმართება. ჩეჩნეთიდან ლტოლვილების სიმღერისა და ცეკვის ანსამბლი კონცერტს გამართავს, მოეწყობა სპორტული შეჯიბრებები და გამოფენა - გაყიდვა.