საქართველოს პრემიერ - მინისტრის ნიკა გილაურის განცხადებით, რეგიონებში 45 ახალი საავადმყოფოდან 27 საავადმყოფოს მშენებლობა 2010 წლის ივლის - აგვისტოში დასრულდება. პრემიერ - მინისტრის განმარტებით, საავადმყოფოების მშენებლობის პროექტის პირველი ეტაპი უკვე დასრულებულია.

„რამდენიმე თვის წინ დაწყებული ჯანდაცვის რეფორმა, რომელიც რეგიონებში ახალი საავადმყოფოების მშენებლობას ითვალისწინებს, წარმატებით ხორციელდება. პროექტის პირველი ეტაპი ფაქტობრივად უკვე დასრულებულია. ივლის - აგვისტოში 27 ახალი საავადმყოფოს მშენებლობა დაიწყება, რომელსაც მთავრობა პირადად დააკვირდება. ასევე „ბლოკ ჯორჯიასთან“ დასრულებულია ხელშეკრულება და ყველა ის ობიექტი აქვს ჩამორთმეული, სადაც სამუშაოების განხორციელება ვერ შეძლო“, - განაცხადა გილაურმა.