კახეთს სოფლის დახმარების პროგრამის ფარგლებში 6 300 000 ლარი გამოეყო. ამის შესახებ კახეთის საინფორმაციო ცენტრს რეგიონის გუბერნატორმა გიორგი ღვინიაშვილმა განუცხადა.

მთავრობის დადგენილებით თანხა შემდეგნაირად განაწილდება: არაუმეტეს 50-სულიანი სოფლისათვის - 2 000 ლარი; 51-დან 200 სულამდე სოფლისათვის - 4 000 ლარი; 201-დან 400 სულამდე სოფლისათვის - 5 000 ლარი; 401-დან 1 000 სულამდე სოფლისათვის - 8 000 ლარი; 1 000-ზე მეტსულიანი სოფლისათვის – 12 000 ლარი.

დადგენილების თანახმად, პროგრამის ფარგლებში განსახორციელებელი პროექტები შესაძლებელია, დამატებით საერთაშორისო და დონორი ორგანიზაციების ან ადგილობრივი თვითმმართველი ერთეულის სახსრებით დაფინანსდეს.