თელავი - გურჯაანი - თბილისის ცენტრალურ ავტომაგისტრალზე მოძრაობა ისევ შეზღუდულია. ტექნიკური მარილი საგარეჯოსთან და სოფელ მელაანთან გზის მოკლე მონაკვეთზეა დაყრილი, გზის დანარჩენი ნაწილი გასაწმენდია. სოფელ პატარძეულთან, აღმართზე რამდენიმე მსუბუქი ავტომანქანა მოცურდა და ერთმანეთს დაეჯა.

საგზაო - სატრანსპორტო შემთხვევის შედეგად არავინ დაშავებულა.

გაძლიერებულ რეჟიმში მუშაობს საპატრულო პოლიცია.

პრობლემების მიუხედავად, საავტომობილო გზების დეპარტამენტში აცხადებენ, რომ გზები სისტემატურად იწმინდება.