კახეთში 8 ათასამდე აბონენტს ელექტროენერგია არ მიეწოდება. როგორც კახეთის საინფორმაციო ცენტრს ს/ს „კახეთის ენერგოდისტრიბუციის“ მედიასთან და საზოგადოებასთან ურთიერთობის ხელმძღვანელმა ჟანა დიდებაშვილმა განუცხადა, თოვლმა ელექტროგადამცემი ხაზები დააზიანა.

„დიდთოვლობის გამო ელექტროგადამცემი ხაზები დაზიანდა. ელექტროენერგია შეზღუდვით მიეწოდება ლაგოდეხის, საგარეჯოს და თელავის რაიონებს. ლაგოდეხში ელექტროენერგია გათიშული აქვს სოფლებს: ლელიანს, არეშფერანს და აფენს. საგარეჯოში - იორმუღანლოს და გომბორს, თელავში კი ლოპოტას. ტექნიკური სამსახური აღდგენით სამუშაოებს დილიდანვე ატარებს და აბონენტებს ელეტროენერგიის მიწოდება დღის ბოლომდე აღუდგებათ“, - აღნიშნა ჟანა დიდებაშვილმა.