4 სექტემბერს თელავში, აეროპორტის მიმდებარე ტერიტორიაზე ავტორბოლა გაიმართება. შეჯიბრში საქართველოს სხვადასხვა რეგიონებიდან, სომხეთიდან და აზერბაიჯანიდან ჩამოსული სპორტსმენები მიიღებენ მონაწილეობას. ღონისძიება 12:00 საათზე დაიწყება.

როგორც კახეთის საინფორმაციო ცენტრს თელავის მუნიციპალიტეტის გამგეობის კულტურისა და სპორტის სამსახურის უფროსმა მიხეილ დაღუნდარიძემ განუცხადა, შეჯიბრის ორგანიზატორები თელავის მუნიციპალიტეტის გამგეობა და საქართველოს საავტომობილო ფედერაცია არიან.

გამარჯვებულებს გადაეცემათ დიპლომები, სხვადასხვა პრიზები და „ვისოლისა“ და „სოკარისგან“ საჩუქრის სახით დაწესებული საწვავი.