პარასკევი, 24 მაისი 2013 18:26
საქართველოს მთავარი პროკურატურა კახეთის გუბერნატორის დაკავებისას პროცესუალურ დარღვევებს უარყოფს და აღნიშნავს, რომ ზურაბ ჭიაბერაშვილს უმაღლესი დიპლომატიური რანგი აქვს, თუმცა იმუნიტეტი არ იცავს. პროკურატურა განმარტავს, რომ არაუფლებამოსილი პროკურორის მიერ ჭიაბერაშვილის დაკავების შესახებ გავრცელებული ინფორმაცია არასწორია.
პარასკევი, 24 მაისი 2013 18:07
დედოფლისწყაროს რაიონის სოფელ სამთაწყაროში მუსლიმებს ლოცვის საშუალება არ მისცეს. როგორც კახეთის საინფორმაციო ცენტრს მუსლიმებმა განუცხადეს, მათთან ლოცვის დროს სოფლის რწმუნებული გულნარა ნადირაშვილი რამდენიმე ადამიანთან ერთად მივიდა და უთხრა, რომ სოფელში მეჩეთის მოწყობას არ დაუშვებს.
პარასკევი, 24 მაისი 2013 17:52
რეგიონული განვითარებისა და ინფრასტრუქტურის სამინისტრომ კახეთში, სტიქიით დაზარალებული ბენეფიციარების სია (39–ე ეტაპი) გამოაქვეყნა. სიაში ლაგოდეხის, თელას, ქვემო ნაშოვარის, ბაღდადის, აფენის, ონანაურის, ზემო ნაშოვარის, ბოლოკიანის, ჭაბუკიანის, გვიმრიანის, ბაისუბნის, ლელიანის, მირსკისეულის, თელავის, ქვემო ხოდაშნის, წინანდლის და შალაურის მაცხოვრებლები არიან შეყვანილები.
პარასკევი, 24 მაისი 2013 17:51
გარემოსდაცვითი არასამთავრობო ორგანიზაციების ქსელის (CENN) წარმომადგენლის რეზო გეთიაშვილის განცხადებით, წლების განმავლობაში ხე–ტყის უკანონოდ ჭრის გამო დედოფლისწყაროში, ჭალის ტყე ფაქტობრივად აღარ არსებობს, რაც დარჩა იჩეხება, ხელისუფლება კი ამ პრობლემით არ ინტერესდება.
პარასკევი, 24 მაისი 2013 17:46
„საქართველოს ხელისუფლებამ და პოლიციამ, სამწუხაროდ, 17 მაისის აქციაზე სექსუალური უმცირესობების უფლებების დაცვა იდეალურად ვერ მოახერხეს,“ - ამის შესახებ საქართველოს პრემიერ-მინისტრმა ბიძინა ივანიშვილმა საქართველოში აკრედიტებულ ელჩებთან შეხვედრისას განაცხადა.
პარასკევი, 24 მაისი 2013 17:14
სამართალდამცავებმა 17 მაისს, ჰომოფობიის წინააღმდეგ ბრძოლის დღისადმი მიძღვნილი აქციის დარბევაში მონაწილე 2 პირს ბრალი წაუყენა. შსს–ს ინფორმაციით, ბრალდებულები დანაშაულს აღიარებენ.
პარასკევი, 24 მაისი 2013 16:48
გამოცდების ეროვნულმა ცენტრმა 2013 წლის მასწავლებელათა სასერტიფიკაციო გამოცდების განრიგი გამოაქვეყნა. პირველი გამოცდა 3 ივლისს ჩატარდება.
პარასკევი, 24 მაისი 2013 14:41
საბურთალოს სასაფლაოზე სანდრო გირგვლიანის და ირინა ენუქიძის საფლავები გაძარცვეს. როგორ „ინტერპრესნიუსს“ სანდრო გირგვლიანის მამამ, გურამ გირგვლიანმა განუცხადა, აღნიშნული ინფორმაცია მან სასაფლაოს დამლაგებლისგან დაახლოებით ორი საათის წინ შეიტყო.
პარასკევი, 24 მაისი 2013 10:42
კახეთის გუბერნატორის ზურაბ ჭიაბერაშვილის და ყოფილი პრემიერ – მინისტრის ვანო მერაბიშვილის ადვოკატები ქუთაისის საქალაქო სასამართლოს გადაწყვეტილებას დღეს გაასაჩივრებენ.
ხუთშაბათი, 23 მაისი 2013 18:12
საქართველოში აშშ–ს საელჩომ შეერთებული შტატების მთავრობის განცხადება გაავრცელა, საქართველოს მთავრობის ყოფილი მაღალჩინოსნების დაკავებასა და წინასწარ პატიმრობასთან დაკავშირებით.
ხუთშაბათი, 23 მაისი 2013 15:56
შემოსავლების სამსახური ალტერნატიული აუდიტის შესახებ ცვლილებებს ამზადებს. როგორც შემოსავლების სამსახურის განცხადებაშია ნათქვამი, ცვლილებების თაობაზე განმარტებებს უწყება დოკუმენტზე ხელმოწერისთანავე გააკეთებს.
ხუთშაბათი, 23 მაისი 2013 14:12
შს სამინისტრომ, 17 მაისს, ჰომოფობიის წინააღმდეგ ბრძოლის დღისადმი მიძღვნილი აქციის დარბევაში მონაწილე ორ სასულიერო პირს, სამების ტაძრის არქიმანდრიტს, მამა ანთიმოზ (თამაზ) ბიჩინაშვილსა და იოანე-თორნიკე ერისთავის სახელობის დედათა მონასტრის იღუმენს, მამა იოთამ (ირაკლი) ბასილაიას ბრალი წაუყენა.
ხუთშაბათი, 23 მაისი 2013 13:19
„ქვეყანაში, სადაც ძირითადი პრობლემა არის დასაქმება და ძალიან ბევრი ადამიანი ელოდება სამუშაო ადგილის შექმნას, ყოფილი პრემიერ – მინისტრისა და ყოფილი ჯანდაცვის მინისტრის მიმართ მიმდინარეობს აშკარა პოლიტიკური დევნა, რაც ჩვენს პოლიტიკურ საქმიანობას უკავშირდება“, – ამის შესახებ კახეთის გუბერნატორმა ზურაბ ჭიაბერაშვილმა ქუთაისის მე-2 სასჯელაღსრულების დაწესებულების დატოვების შემდეგ განაცხადა.
ხუთშაბათი, 23 მაისი 2013 12:45
კახეთის გუბრენტორმა ზურაბ ჭიაბერაშვილმა ქუთაისის მე-2 სასჯელაღსრულების დაწესებულება დატოვა. ზურაბ ჭიაბერაშვილი მას შემდეგ გათავისუფლდა, რაც მისმა ოჯახმა ქუთაისის საქალაქო სასამართლოს მიერ აღმკვეთი ღონისძიების სახით შეფარდებული გირაოს თანხა 20 ათასი ლარი გადაიხადა.
ხუთშაბათი, 23 მაისი 2013 11:24
კახეთის გუბერნატორის ზურაბ ჭიაბერაშვილის ოჯახმა სასამართლოს მიერ გირაოს სახით შეფარდებული 20 ათასი ლარი გადაიხადა, - ამის შესახებ „ინტერპრესნიუსს“ მისმა ადვოკატმა გიორგი გელხაურმა განუცხადა.
ხუთშაბათი, 23 მაისი 2013 09:58
ქუთაისის საქალაქო სასამართლომ ყოფილ პრემიერ – მინისტრ ვანო მერაბიშვილს აღკვეთის ღონისძიების სახით წინასწარი პატიმრობა შეუფარდა, კახეთის გუბერნატორს ზურაბ ჭიაბერაშვილს კი 20 ათასი ლარის ოდენობით გირაო. ჭიაბერაშვილი პატიმრობიდან გირაოს გადახდის შემდეგ გათავისუფლდება.
ოთხშაბათი, 22 მაისი 2013 17:43
თელავის მუნიციპალიტეტის სოფელ გულგულასთან არსებულ რეგიონულ ნაგავსაყრელზე პირველადი საექსპლუატაციო სამუშაოები მიმდინარეობს.
ოთხშაბათი, 22 მაისი 2013 16:56
„ძალადობა, რომელსაც ადგილი ჰქონდა თბილისში, ჰომოფობიის წინააღმდეგ ბრძოლის საერთაშორისო დღეს, აჩვენა, რომ ხელისუფლების მიერ გადადგმული ზომები არასაკმარისი იყო ლგბტ აქციის მონაწილეთა უსაფრთხოების დაცვის უზრუნველსაყოფად. პოლიცია მოუმზადებელი იყო და ვერ გაუმკლავდა კონტრდემონსტრანტთა დიდ რაოდენობას, რომელთა ნაწილი ლგბტ აქციის მონაწილეებს თავს დაესხა,“ - აცხადებს ადამიანთა უფლებების დაცვის საკითხებში ევროსაბჭოს კომისარი ნილს მუიჟნიეკსი.
ოთხშაბათი, 22 მაისი 2013 16:46
გურჯაანი-თბილისის ავტომაგისტრალის გურჯაანის მონაკვეთზე დამეწყრილი გზის აღსადგენად, საავტომობილო გზების დეპარტამენტმა 700 000 ლარი გამოყო. კურორტ „ახტალას“ მიმდებარედ გზის მოანკვეთი 13 აპრილს ჩაინგრა, მეწყერმა ასფალტთან ერთად „ახტალას“ ჯებირიც ჩაიტანა. ცენტრალურ მაგისტრალზე ტრანსპორტის გადაადგილება შეზღუდვით ხორციელდება.
ოთხშაბათი, 22 მაისი 2013 14:41
ენერგეტიკის მინისტრის კახა კალაძის განცხადებით, 2014 წლის ბოლომდე, კახეთში 6 579 აბონენტი იქნება გაზიფიცირებული.
გვერდი 1 / 544
აქციის მონაწილე მღვდელს - აქაც ირბინე
უმრავლესობის ლიდერი 17 მაისის აქციის შესახებ
 კიდევ ერთხელ რეპორტაჟი ვეძათხევიდან – „ადამიანების სასაკლაო“ |
| ||||||||||||||||||||||||||||||||||||||||||||||||||||||||
 |
 |
ავტორის/ავტორების მიერ საინფორმაციო მასალაში გამოთქმული მოსაზრება არ გამოხატავს დონორების პოზიციას.
შესაბამისად, ფონდები არ არიან პასუხისმგებლები მასალის შინაარსზე.
