კულტურა
ხუთშაბათი, 26 იანვარი 2012 12:45
ახმეტაში VI საუკუნის ღვთაების სამონასტრო კომპლექსი ინგრევა. კომპლექსი „ღვთაების“ სამნავიანი ბაზილიკის, დარბაზული ტიპის ეკლესიის, დიდი მარნის, ორსართულიანი სასახლისა და სხვადასხვა დანიშნულების ნაგებობების ნანგრევებისგან და ნაშთებისგან შედგება.
ოთხშაბათი, 25 იანვარი 2012 13:04
ლაგოდეხის სახელმწიფო ნაკრძალში მე-9 საუკუნის სამნავიანი ბაზილიკის ტიპის ეკლესია ნადგურდება. შემორჩენილია მხოლოდ შუა ნავის ჩრდილო კედელი, დასავლეთისა და სამხრეთის კედლების ნაწილები, აგრეთვე სამხრეთ-აღმოსავლეთის მცირე ეკლესიის მინაშენის ნანგრევები.
ორშაბათი, 23 იანვარი 2012 13:07
თელავის რაიონის სოფელ კისისხევში ნათლისმცემლის სახელობის უძველესი ეკლესია ინგრევა. როგორც კახეთის საინფორმაციო ცენტრს თელავის გამგეობის კულტურის სამსახურის უფროსმა მიხეილ დაღუნდარიძემ განუცხადა, ეკლესიის მდგომარეობის შესახებ შესაბამის ორგანოებს გასულ წელს აცნობეს, მაგრამ არავინ დაინტერესდა.
შაბათი, 21 იანვარი 2012 19:49
კაჭრეთში, სასტუმრო „ამბასადორში“რუსული კინოსა და თეატრის ცნობილი მსახიობის, სტანისლავ სადალსკის შემოქმედებითი საღამო გაიმართა.
ოთხშაბათი, 18 იანვარი 2012 12:28
ახმეტის რაიონის სოფელ ხევისჭალაში მე-10 საუკუნის „ქაჩალაურის“ ციხე-სიმაგრე ინგრევა. ციხის კარიბჭე უკვე ჩამონგრეულია. იშლება გალავანიც, რაც საფრთხეს უქმნის ეკლესიას. ტაძარს სახურავი აღარ აქვს და ზიანდება ეკლესიაში შემორჩენილი ღვთისმშობლის ფრესკები.
სამშაბათი, 17 იანვარი 2012 17:53
კახეთის საინფორმაციო ცენტრის ვებგვერდზე კვეტერას ციხე - ქალაქის კომპლექსთან დაკავშირებით გამოქვეყნებულ ფოტორეპორტაჟს საქართველოს კულტურული მემკვიდრეობის დაცვის ეროვნული სააგენტო გამოეხმაურა.
ორშაბათი, 16 იანვარი 2012 11:15
ფიროსმანის „შავ ლომთან“ დაკავშირებით სასამართლო პროცესი 26 აპრილს განახლდება. საქმის განხილვა ერთ-ერთი მომჩივანი მხარის, მირელ ზდანევიჩ ქუთათელაძის გარდაცვალების გამო შეჩერდა.
ოთხშაბათი, 11 იანვარი 2012 16:52
ნიკო ფიროსმანაშვილის სახლ - მუზეუმის დირექტორის თანამდებობის დასაკავებლად, კულტურული მემკვიდრეობის დაცვის ეროვნულ სააგენტოში 2 განაცხადია შესული. დირექტორობა ანზორ მაძღარაშვილს სურს, რომელიც ყოფილი დირექტორია და ახლა მოვალეობას ასრულებს. მეორე კანდიდატი კი დედოფლისწყაროს გამგეობის თანამშრომელი ნელი გობეჯიშვილია.
ორშაბათი, 09 იანვარი 2012 13:24
კულტურული მემკვიდრეობის დაცვის ეროვნულ სააგენტოში პროექტის „100 ქართული ძეგლი Google Map-ზე“ პრეზენტაცია გაიმართა. დღეიდან Google Map - ზე უკვე შესაძლებელია 100 მდე ქართული ძეგლის მარტივად და სწრაფად მოძიება.
ორშაბათი, 09 იანვარი 2012 13:17
იუსტიციის სამინისტროს ინფორმაციით, გენერალური ინსპექციის მიერ განხორციელებული ღონისძიებების შედეგად, ფიროსმანის „მეარღნე“ უკანონო გასხვისებას გადაურჩა.
ხუთშაბათი, 29 დეკემბერი 2011 14:22
თელავში, თეატრის შენობის წინ, ათი მეტრის სიმაღლის ნაძვისხე დადგეს. როგორც კახეთის საინფორმაციო ცენტრს თელავის გამგეობის კულტურის სამსახურის უფროსმა მიხეილ დაღუნდარიძემ განუცხადა, ნაძვისხე თურქეთში შეუკვეთეს და 30 ათასი ლარი დაჯდა.
ხუთშაბათი, 22 დეკემბერი 2011 14:14
ბაკურ სულაკაურის გამომცემლობამ ნიკო ფიროსმანაშვილზე ახალი წიგნი „ფიროსმანაშვილი 100 კვადრატი“ გამოსცა. წიგნის ავტორი მხატვარი ვახტანგ რურუაა. წიგნში ფიროსმანის შემოქმედება განსხვავებული კუთხით არის წარმოდგენილი.
ოთხშაბათი, 21 დეკემბერი 2011 12:09
ცეკვის სახელმწიფო ანსამბლი „გურჯაანი“ მაროკოში ფოლკლორის მსოფლიო ფესტივალზე მიიწვიეს. ფესტივალი 12 იანვარს დაიწყება და 1 თებერვალს დამთავრდება. ფესტივალში 13 ქვეყანა მიიღებს მონაწილეობას.
სამშაბათი, 20 დეკემბერი 2011 16:35
21 დეკემბერს, ყვარელში, გრემის სამონასტრო კომპლექსის მუზეუმში, ისტორიულ დოკუმენტური ფილმის „გრემი“-ს პრეზენტაცია გაიმართება. ფილმში წყაროებზე დაყრდნობით აღდგენილია როგორ ხდებოდა მეფედ კურთხევა და სამხედრო აღლუმების ჩაბარება. ფილმის ჩვენება 17:00 საათზე დაიწყება.
ორშაბათი, 19 დეკემბერი 2011 13:00
„ფუძნარის ღვთისმშობლის გუმბათოვან ტაძარს განადგურება აღარ ემუქრება“, - განაცხადეს კულტურული მემკვიდრეობის დაცვის სააგენტოში.
სამშაბათი, 13 დეკემბერი 2011 14:36
14 დეკემბერს, თელავში, ნიკო სულხანიშვილის სახელობის სამუსიკო სასწავლებლის დიდ საკონცერტო დარბაზში კამერული მუსიკის ფესტივალი გაიმართება. ღონისძიება 15:00 საათზე დაიწყება. დასწრება თავისუფალია.
სამშაბათი, 13 დეკემბერი 2011 14:11
დედოფლისწყაროში, დალის ხეობაში პალეონტოლოგებმა 9-10 მილიონი წლით დათარიღებულ ცხოველთა ეშვებს მიაკვლიეს. ნამარხში სავარაუდოდ მასტოდონტის მთლიანი ჩონჩხია შემონახული. ნაშთებს შესასწავლად ეროვნულ მუზეუმში გადაიტანენ.
ორშაბათი, 12 დეკემბერი 2011 12:23
ნიკო ფიროსმანაშვილის სახლ - მუზეუმის დირექტორის ანზორ მაძღარაშვილის თქმით, ფიროსმანის ნახატი „შველი წყლის პირას“, რომელიც „სოტბის“ აუქციონზე 500 ათას ფუნტ სტერლინგად გაიყიდა, გედევანიშვილებმა 30-იან წლებში „თეთრი დუქნიდან“ იყიდეს.
ორშაბათი, 12 დეკემბერი 2011 11:06
ნიკალას კიდევ ერთი ტილო საქართველოს ფარგლებს გარეთ გასხვისდა. ფიროსმანის „შველი წყლის პირას“ ლონდონის „სოტბის“ აუქციონზე 500 000 ფუნტ სტერლინგად გაიყიდა.
პარასკევი, 09 დეკემბერი 2011 10:07
ლაგოდეხის რაიონის სოფელ თელაში მოსწავლეებმა მდინარე ბაისუბნის ნაპირებზე საძვალე შენიშნეს, რომლის შესწავლის შემდეგაც გაირკვა, რომ სამარხი ჩვენს წელთაღრიცხვამდე მე-4 მე-2 საუკუნეებს განეკუთვნება. სამარხი სავარაუდოდ მებრძოლისაა, რადგან მასში რკინის შუბი და თიხის ჭურჭელია ნაპოვნი.
გვერდი 1 / 20
ადვოკატები სასამართლოს არაობიექტური გადაწყვეტილების მიღებაში ადანაშაულებენ
 შეზღუდვები გზებზე |
| ||||||||||||||||||||||||||||||||||||||||||||||||||||||||
 |
 |
ავტორის/ავტორების მიერ საინფორმაციო მასალაში გამოთქმული მოსაზრება არ გამოხატავს დონორების პოზიციას.
შესაბამისად, ფონდები არ არიან პასუხისმგებლები მასალის შინაარსზე.
