02:10:31

ფირნიშები
Share |

შიდა ქართლის ყოფილმა გუბერნატორმა ზურაბ რუსიშვილმა „ქართულ ოცნებას“ 21 400 ლარი ჩაურიცხა


შიდა ქართლის რეგიონის ყოფილმა სახელმწიფო რწმუნებულმა - გუბერნატორმა ზურაბ რუსიშვილმა, რომელიც თავის ბოლო ქონებრივ დეკლარაციაში მიუთითებდა, რომ ნაღდი ფულადი თანხა არ გააჩნდა, პარტია „ქართულ ოცნებას“ 21 400 ლარის ოდენობით ფულადი შემოწირულობა ჩაურიცხა.

ზურაბ რუსიშვილი შიდა ქართლის რეგიონის (გორის, კასპის, ქარელის, ხაშურის მუნიციპალიტეტები) გუბერნატორის თანამდებობაზე 2013 წლის დეკემბერში დაინიშნა. მანამდე იგი „ქართუ ბანკის“ გორის ფილიალის ხელმძღვანელი იყო. გუბერნატორის თანამდებობა მან 2016 წლის 10 მარტს პირადი განცხადების საფუძველზე დატოვა.

ქონებრივი მდგომარეობის დეკლარაციის მიხედვით, ზურაბ რუსიშვილს მეუღლე და ორი არასრულწლოვანი შვილი ჰყავს. ყოფილი გუბერნატორის ოჯახის წევრებს შორის დასაქმებული მხოლოდ თვითონ იყო და შესაბამისად, 2015 წლის განმავლობაში ოჯახის შემოსავლის წყაროს მხოლოდ თვით გუბერნატორის სამსახურებრივი ანაზღაურება წარმოადგენდა. ზურაბ რუსიშვილის წლიური ანაზღაურების ოდენობა, საშემოსავლო გადასახადის გარეშე, 59 000 ლარს შეადგენდა (თვეში საშუალოდ 4916 ლარი). აქედან, 10 260 ლარი ორი სხვადასხვა საბანკო კრედიტის დაფარვას მოხმარდა. ამასთან, 2015 წლის 9 დეკემბერს გუბერნატორმა „საქართველოს ბანკიდან“ 21 000 აშშ დოლარის ოდენობით 5-წლიანი სამომხმარებლო კრედიტიც აიღო, თუმცა, თანამდებობიდან გადადგომამდე 20 დღით ადრე, 2016 წლის 19 თებერვალს შევსებულ ქონებრივ დეკლარაციაში აღნიშნულია, რომ არც პირადად ზურაბ რუსიშვილს და არც მის ოჯახს ნაღდი ფულადი თანხა არ გააჩნდა.

მიუხედავად ამისა, გადადგომიდან დაახლოებით ორთვენახევრის შემდეგ, - 24 მაისს შიდა ქართლის უკვე ყოფილმა გუბერნატორმა პოლიტიკური პარტია „ქართული ოცნება - დემოკრატიული საქართველოს“ საბანკო ანგარიშზე ფულადი შეწირულობის სახით 21 400 ლარი ჩარიცხა.

უნდა აღინიშნოს, რომ „მოქალაქეთა პოლიტიკური გაერთიანებების შესახებ“ საქართველოს ორგანული კანონი საჯარო თანამდებობის პირების მიერ პოლიტიკური პარტიებისთვის პირადი სახსრების შეწირვაზე პირდაპირ აკრძალვას არ ითვალისწინებს, თუმცა ამგვარი შეწირულობების განხორციელების ფაქტები პრაქტიკულად არ გვხვდება. კახეთის საინფორმაციო ცენტრმა სპეციალურად გამოიკვლია მოქმედი გუბერნატორებისა და მათი მოადგილეების მიერ პოლიტიკური პარტიების დაფინანსებაში შესაძლო მონაწილეობის საკითხი. შემოწმების შედეგად აღმოჩნდა, რომ 2012 წლის 1 იანვრის შემდეგ ამგვარ ფაქტებს ადგილი არ ჰქონია.  

  

  

სხვა ამბები

ვეტერანებმა 9 აპრილს დაღუპულთა მემორიალი გვირგვინით შეამკეს [Photos]

ვეტერანების საქმეთა სახელმწიფო სამსახურის დირექტორმა ვლადიმერ იმნაძემ და სამსახურის წარმომადგენლებმა, საქართველოს სახელმწიფოებრივი დამოუკიდებლობისა და სამშობლოსათვის დაღუპულთა ხსოვნის დღესთან დაკავშირებით, რუსთაველის გამზირზე მდებარე 1989 წლის 9 აპრილს დაღუპულთა მემორიალი გვირგვინით შეამკეს.

დაწვრილებით  

უკანონო იარაღის და საბრძოლო მასალის შეძენა-შენახვის ბრალდებით ერთი პირი დააკავეს

სამართალდამცავებმა ცეცხლსასროლი იარაღის და საბრძოლო მასალის მართლსაწინააღმდეგო შეძენა-შენახვის ბრალდებით, 22 წლის მამაკაცი მესტიაში დააკავეს. შსს-ს ინფორმაციით, ბრალდებულის საცხოვრებელი სახლის ჩხრეკისას, „აკ-74“-ის მოდელის ავტომატური ცეცხლსასროლი იარაღი, მჭიდი და 7 საბრძოლო ვაზნა ამოიღეს.

დაწვრილებით  

ფოტო

News image

განსხვავებული რუსეთი ქუჩის ფოტოგრაფის ობიექტივში [Photos]

ვიდეო

„წყალს ვითხოვთ, რომ ხელები მაინც დავიბანოთ და ცოტა საჭმელს, რომ არ გვშიოდეს“

ვიდეო

საქონლის მასობრივი ქურდობის ფაქტები ყვარელში და არცერთი გამოძიებული საქმე

  • ამინდი
  • ვალუტა
პარასკევი 23.02.18
07:00-12:00
Fairfrom south1°C0.2m/s
0mm
12:00-18:00
Partly cloudyfrom east6°C1.8m/s
0mm
18:00-00:00
Partly cloudyfrom east-southeast6°C0.5m/s
0mm
შაბათი 24.02.18 12:00-18:00
FairNNW8°C0.1m/s
0mm
კვირა 25.02.18 12:00-18:00
Partly cloudyfrom east-northeast9°C0.9m/s
0mm
ორშაბათი 26.02.18 10:00-16:00
Rainfrom west-southwest6°C0.7m/s
2.1mm
yr.no

ავტორიზაცია

< სექტემბერი 2016 >
ორშ სამ ოთხ ხუთ პარ შაბ კვი
      2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30