Menu

Follow Us

Saturday, 24 Jul 2021

მთის ამბები/რეგინფო აცხადებს ვაკანსიებს

Thursday, 26 November 2020 20:58 hits 6059 times

საინფორმაციო ცენტრების ქსელი (ICN) ახალი პროექტის ფარგლებში გამოცემებისთვის მთის ამბები/რეგინფო აცხადებს ვაკანსიებს მულტიმედია რეპორტიორის, ვიდეოოპერატორი/მემონტაჟის, სათემო რადიოების პროდიუსერის, სოციალური მედიის მენეჯერის, პროექტის კოორდინატორის თანაშემწის, მძღოლი/ტექნიკური ასისტენტის პოზიციებზე:

  • სათემო რადიოების პროდიუსერი - ანაზღაურება - 2500 ლარი;
  • მულტიმედია რეპორტიორი - 1500-დან 2000 ლარამდე;
  • ვიდეოოპერატორი/მემონტაჟე - 1500-დან 2000 ლარამდე;
  • სოციალური მედიის მენეჯერი - 1500 ლარი (საწყის ეტაპზე);
  • პროექტის კოორდინატორის თანაშემწე - 1500 ლარი;
  • მძღოლი/ტექნიკური ასისტენტი - 800-დან 1000 ლარამდე.

(ხელფასი მითითებულია გადასახადების ჩათვლით).

 

მულტიმედია რეპორტიორი

სამუშაო ადგილი - თბილისის ოფისი ან საქართველოს ნებისმიერი რეგიონი; სრული სამუშაო განაკვეთი.

მოთხოვნები: ჟურნალისტად მუშაობის სულ მცირე 1 წლიანი გამოცდილება (სასურველია ახალ მედიაში); უმაღლესი განათლება ჟურნალისტიკის ან მომიჯნავე სფეროში; თხრობისა და წერის კარგი უნარები; მულტიმედია წარმოების გამოცდილება; სოციალური მედიის ცოდნა; ინგლისური ენის ცოდნა (მიიჩნევა უპირატესობად); მონაცემთა ბაზებთან მუშაობის გამოცდილება;

ძირითადი მოვალეობები: mtisambebi.ge და reginfo.ge-თვის აქტუალურ საკითხებზე სიღრმისეული და მოკვლევითი მასალების (ვიდეო, ფოტო, აუდიო, ტექსტი) მომზადება; ინფორმაციის წყაროებთან მუშაობა; ინფორმაციის გამოთხოვა ადმინისტრაციული ორგანოებიდან, საინტერესო და საეჭვო ფაქტების გამოვლენა და შესწავლა.

 

ვიდეოოპერატორი/მემონტაჟე

სამუშაო ადგილი - თბილისის ოფისი; სრული სამუშაო განაკვეთი.

მოთხოვნები: ოპერატორ/მემონტაჟედ მუშაობის სულ მცირე 1 წლიანი გამოცდილება (სასურველია ახალ მედიაში); უმაღლესი ან პროფესიული განათლება ჟურნალისტიკის ან მომიჯნავე სფეროში; შემოქმედებითი ხედვა; გამოხატული ყურადღება დეტალების მიმართ; სამონტაჟო პროგრამა Adobe Premiere Pro-ს კარგი ცოდნა; დრონის მართვა (მიიჩნევა უპირატესობად); ინგლისური ენის ცოდნა (მიიჩნევა უპირატესობად); ავტომობილის მართვის B კატეგორია და მართვის გამოცდილება (მიიჩნევა უპირატესობად); კრეატიულობა, ენერგიულობა; ეფექტური კომუნიკაციის უნარები;

ძირითადი მოვალეობები: mtisambebi.ge და reginfo.ge-თვის აქტუალურ საკითხებზე სიუჟეტების, რეპორტაჟების გადაღების დაგეგმვა, გადაღება, მონტაჟი. საჭიროებისამებრ გადაცემების ჩაწერა საველე პირობებში.

 

სათემო რადიოების პროდიუსერი

სამუშაო ადგილი - თბილისის ოფისი; სრული სამუშაო განაკვეთი.

მოთხოვნები: ჟურნალისტად/რედაქტორად მუშაობის სულ მცირე 3 წლიანი გამოცდილება; რადიოში მუშაობის გამოცდილება (სასურველია); უმაღლესი განათლება ჟურნალისტიკის ან მომიჯნავე სფეროში; თხრობისა და წერის კარგი უნარები; მულტიმედია წარმოების გამოცდილება; სოციალური მედიის ცოდნა; ციფრული აუდიტორიის ანალიზის გამოცდილება; უცხო ენების ცოდნა (სასურველია).

ძირითადი მოვალეობები: სათემო რადიოების მაუწყებლობის წარმოების მართვა; ახალი ამბების პროგრამებისა და გადაცემების პროდიუსინგი; რადიოსადგურების ვებგვერდების მართვა; ახალი ამბების, აქტუალური თემების მოძიება და დამუშავება; წინასწარი დაგეგმვა, დავალებების მიცემა, თანამშრომლების ინსტრუქტაჟი; მულტიმედია მასალების რედაქტირება და დახვეწა.

 

სოციალური მედიის მენეჯერი

სამუშაო ადგილი – თბილისის ოფისი. სრული სამუშაო განაკვეთი; ანაზღაურება 1500 ლარი.

ძირითადი მოვალეობები: სოციალურ ქსელებში (Facebook, YouTube, Instagram) ორგანიზაციის გვერდებისა და არხის მართვა, პოპულარიზაცია; ICN-ის ჟურნალისტების მიერ მომზადებული მასალების პოპულარიზაცია სხვადასხვა ფორმით; ფეისბუქის და ინსტაგრამის გვერდებისთვის ადაპტირებული კონტენტის შექმნა; ონლაინ გამოკითხვების ჩატარება, დისკუსიების გახსნა და კომენტარების მოდერაცია; სოციალური მედიის არხების სტატისტიკის წარმოება, ანალიზი და რეპორტინგი.

მოთხოვნები: ინგლისური და რუსული ენების ცოდნა (მიენიჭება უპირატესობა); სოციალური პლატფორმების (Facebook, YouTube, Instagram, Twitter) მართვისა და აუდიტორიის კვლევის საბაზისო ცოდნა; გამართული (სასურველია შემოქმედებითი) წერის უნარი; გრაფიკული პროგრამების საბაზისო ცოდნა (Photoshop, Illustrator, Premiere Pro); მსგავს პოზიციაზე მუშაობის გამოცდილება (სასურველია); გუნდური მუშაობის უნარი.

 

პროექტის კოორდინატორის თანაშემწე

სამუშაო ადგილი - თბილისის ოფისი; სრული სამუშაო განაკვეთი.

მოთხოვნები: უმაღლესი განათლება (სასურველია); ქართულ ენაზე გამართულად მეტყველებისა და წერის უნარები; ინგლისური ენის კარგი ცოდნა (მიიჩნევა უპირატესობად); მაღალმთიანი რეგიონების სპეციფიკის ცოდნა (მიიჩნევა უპირატესობად); კომპიუტერული პროგრამების კარგი ცოდნა; შემოქმედებითი ხედვა; ვიდეოგადაღებისა და მონტაჟის ცოდნა (მიიჩნევა უპირატესობად); ავტომობილის მართვის B კატეგორია და მართვის კარგი გამოცდილება (აუცილებელია); პასუხისმგებლობის მაღალი გრძნობა, ენთუზიაზმი, ეფექტური კომუნიკაციის უნარები.

ძირითადი მოვალეობები: პროექტით გათვალისწინებული აქტივობების დაგეგმვაში, ორგანიზებასა და შესრულებაში მონაწილეობა / კოორდინატორის დახმარება (რეგიონებში მოსახლეობასთან, განსაკუთრებით ახალგაზრდებთან სამუშაო შეხვედრების ჩატარება; პრობლემების კვლევა, ინფორმაციის შეგროვება და დამუშავება; ადვოკატირების კამპანიების დაგეგმვა და განხორციელება); მთის სათემო ორგანიზაციების კოორდინაცია და მათი განვითარების მხარდაჭერა; თვითმმართველობის საქმიანობაში მოქალაქეთა ჩართულობის ხელშეწყობა; ადმინისტრაციული ორგანოების საქმიანობის მონიტორინგი; „მთის ამბების“ (Mtisambebi.ge) საქმიანობაში აქტიური მონაწილეობა.

 

მძღოლი/ტექნიკური ასისტენტი

სამუშაო ადგილი - თბილისის ოფისი; სრული სამუშაო განაკვეთი; ანაზღაურება 800-დან 1000 ლარამდე.

მოთხოვნები: ავტომობილის მართვის B კატეგორია; ავტომობილის მართვის სრულყოფილი უნარი; სულ მცირე 3 წლიანი გამოცდილება (სასურველია); მოძრაობის წესებისა და საავტომობილო გზების კარგი ცოდნა თბილისსა და საქართველოს რეგიონებში; კომპიუტერული საოფისე პროგრამების ცოდნა; გუნდური მუშაობის უნარი, პასუხისმგებლობის მაღალი გრძნობა.

ძირითადი მოვალეობები: კომპანიის კუთვნილი ავტომობილით თანამშრომლების ტრანსპორტირება თბილისსა და რეგიონებში; ავტომობილის გამართული ტექნიკური მდგომარეობის კონტროლი; ავტომობილის მოვლა; საწვავის ხარჯის აღრიცხვა; გადამღები ჯგუფის დახმარება; გუნდური მუშაობის უნარი.

 

დაინტერესებულმა პირებმა უნდა გამოგზავნონ CV და მოკლე სამოტივაციო წერილი მისამართზე: This email address is being protected from spambots. You need JavaScript enabled to view it. სათაურში აუცილებლად მიუთითეთ პოზიციის დასახელება, რაზედაც შემოგაქვთ განაცხადი. განაცხადის შემოტანის ბოლო ვადაა 2020 წლის 30 ნოემბერი.

საინფორმაციო ცენტრების ქსელი გასაუბრების მიზნით მხოლოდ შერჩეულ პირებს დაუკავშირდება 3 დეკემბრამდე.

Mountainstories.ge

Mountain Stories is an independent online news publication. The website is managed by the Information Centers Network.

თავში